French Hill

Un artíkolo de la Vikipedya, la ansiklopedya líbera
Ir a la navegación Ir a la búsqueda
French Hill

French Hill (en ivrit: הגבעה הצרפתית‎, HaGiv'a HaTzarfatit, Kulina de la Fransesa), también konosida komo Giv'at Shapira (en ivrit: גִּבְעַת שַׁפִּירָא ( (en arabo: Karm el-Wiz‎)[1] es una máale predominantemente djudia ubikada en el Sentro-Nord de la sivdad de Yerushalayim. Está ubikada en território obtenido durante la Gerra de los Sesh Dias enel anyo 1967. Fue aneksado a Yisrael mediante una ley konosida como Ley de Yerushalayim enel anyo 1980.

Orijin del su nombre[trocar | trocar el manadero]

El orijin del su nombre no está klaro. Puede ke se deba a un jeneral británico, John French, 1st Earl of Ypres el kualo, asigun la istorya, tenía los sus kuartelos en esta kulina. De kualkiero modo, el jeneral French nunka sirvió en esta rejión [2], ansina ke la teoría no parese ser korrekta. Asigun el istoryador yisraelí Zev Vilnay, esta tyérra pertenesía al monasterio katóliko de Santa Ana, del kualo la mayoría de los sus monjes venían orijinalmente de Fransia, antonses el nombre "HaGiv'a HaTzarfatit", ke signifika "La Kulina de la Fransesa" parese tener más sentido. Si la baza del nombre de la maále era el nombre del jeneral French, el nombre korrekto en ivrit tinía ke ser Givat French, ya ke los nombres propios no se tradusen, i Tzarfat es "Fransia"en ivrit o en todo kaso French's Hill en inglezo[3].


Istorya[trocar | trocar el manadero]

Basho kontrolo djordano, el área era uzada komo posto de komando i vijilansia militar[4]. Enel anyo 1969, dempues de la reunifikasiyon de la sivdad de Yerushalayim posterior a la Gerra de los Sesh Dias, se empieso el fraguamyénto de una mueva máale para kriar un enlaso entre Yerushalayim Oksidental i el kampus de la Universita Ebrea de Yerushalayim en Mount Scopus, el kualo avía sido un enklave yisraelí en tyerritorio djordano antes de la gerra[5]. El nombre ofisial de la mueva máale fue Giv'at Shapira. Una seksiyon de la máale, yamada Tzameret HaBira, estaba povlada sobre todu por olim de Estatos Unitos d'Amerika, los kualos fraguaron las sus kazas privadamente[6].

Demografiya[trocar | trocar el manadero]

De akódro kon el istoryador arabo Walid Khalidi, egzistian alkunos arabos biviendo en el área antes del anyo 1967. El afirma ke se mudaron a la zona dempues de la Gerra Araba-Yisraeli de 1948 [7]. French Hill tiene endagora una povlasiyon de unos 6.631 abitantes, kon una densitá de 10,9 abitantes por dunam, ekivalentes a unos 10.900 abitantes/km²). Tzameret HaBira está menos densamente povlado, kon una densitá de 4,7 abitantes por dunam (4.700 abitantes/km²). La su povlasiyon es mayoritariamente djudia, kon una grande povlasiyon de djudios de Amerika del Sud i de la antika Union Sovyetika[8].

Eskolas e institusiyones relijiosas[trocar | trocar el manadero]

French Hill tiene 9 esnogas. Una de eyas, Kehillat Ramot Zion (en ivrit: קהילת רמות ציון‎)[9], es una komunita konservadora. La priméra eskola primaria en Yisrael administrada por el movimento konservador, la eskola Frankel, fue establesida en Giv'at Shapira.

Konflikto Arabo-Yisraeli[trocar | trocar el manadero]

La interseksiyon de French Hill konekta a Yerushalayim kon Ma'ale Adumim i la Mar Amortada. Esta interseksiyon es el lugar donde onze atakos terroristas palestinos an okurrido. De akódro kon la revista amerikana US News and World Report, "el konkurrido distribuidor, el kualo divide la maále djudia de French Hill de la máale araba de Shuafat, es el punto más kolay de akseder en la sivdad para un terrorista de la Ribeira Oksidental ke bushka yisraelis para kometer los sus atakos[10].

Arkeolojiya[trocar | trocar el manadero]

Una ekskavasiyon en French Hill en los anyos 1970 i 1971 desentyerró unas tumbas de los períodos Erodianos i finales del Gréko. Una de las 13 osamentas descuvyértas tenía inskrito el nombre de "Yosef ben Haggai".

Ver endemás[trocar | trocar el manadero]

Referensias[trocar | trocar el manadero]

  1. JSTOR.ORG
  2. [The Guide to Israel Zev Vilnay, Hamakor Press, Jerusalem, 1972, p.130]
  3. BBC
  4. http://www.givathatachmosht.org.il/english/aboutammunitionhil4.htm
  5. Understanding Jerusalem - Middle East Quarterly
  6. [Statistical Yearbook of Jerusalem, 2002-2003. Jerusalem, Israel: Jerusalem Institute for Israel Studies. ISSN 0333-9831]
  7. [Walid Khalidi All That Remains: The Palestinian Villages Occupied and Depopulated by Israel in 1948. Washington DC: Institute for Palestine Studies, 1992 ]
  8. [Statistical Yearbook of Jerusalem, 2002-2003 Jerusalem, Israel: Jerusalem Institute for Israel Studies. ISSN 0333-9831]
  9. Sitio web de la Kehilá Ramot Zion
  10. Jerusalem's Violent Crossroads