Frida Kahlo

Un artíkolo de la Vikipedya, la ansiklopedya líbera
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Frida Kahlo (1932)

Magdalena Frida Carmen Kahlo, amijor konosida komo Frida Kahlo (Coyoacán, 6 de Djulio de 1907 – 13 de Djulio de 1954), era una pintadora meksikana. Kazada kon el famozo pintador meksikano Diego Rivera, la su vida era markada por la su hazinura kuando era una una kreatura i por un aksidente en la su mansevez, los kualos la desharon enkamada muncho tyempo; Frida se izo 32 operasiones.

Frida bivio una vida nada komun; era biseksuala i entre los sus amadores se topa Leon Trotsky. La ovra de Frida Kahlo esta lisionada kon la su biografiya i sus penserios i dolyo. Eya apinto unas 200 ovras, espesialmente portratos en los kualos amostrava ke era muy zor para eya bivir kon trankilitad. La ovra de Kahlo tiene enfluensia de la del su espozo, Diego Rivera, kon el kualo partajo el su amor por el arte tradisyonal meksikano, kon raises aborijinalas, i el kualo endemas enfluensio a otros pintadores de Meksiko de la epoka post-revoluzion. Amostro personalmente la su ovra en Mueva York (1938) i en Paris (1939). Fina antonses solo pintava de manera privada i eya misma ainda no kreyia ke la su ovra puedia ser de intereso jeneral. Anke era admirada por konosidos pintadores i de intelektualos de la epoka komo Pablo Picasso, Wassily Kandinski, André Breton o Marcel Duchamp, la su ovra yego a ser konosida veramente i a levelo mondial diskues de la su muerte, en las anyadas de los 70. Era deskrita por André Breton komo surealista, ma eya misma no akseptava esta klafisikasion, ya ke eya no pintava, es en huenyos ma la su apropiada realitad.