Its.hak de Pinto

Un artíkolo de la Vikipedya, la ansiklopedya líbera
Ir a la navegación Ir a la búsqueda
Pintohuis, la kaza de la famiya Pinto, es oy una biblioteka.

Its.hak de Pinto (1717- 14 de Agosto de 1787) era un ekonomisto i bisnesman djudio-olandez de orijin portugez

Biografiya[trocar | trocar el manadero]

Isaac Pinto era aksionista de la entreprisa ke azia komersio kon las kolonias olandezas en Amerika i en Afrika Oksidentala - la Kompanyia Neerlandeza de las Indias Oksidentalas. Its.hak era asesor del prens Willem IV de Olanda, el kualo yego al pueder entre las anyadas de 1747 i 1751, i por modre de el, el prens dechidio partisipar en la KNIO.

Its.hak yego a una kontroversa kon Voltaire ensima de kestyones de djudaismo. Endemas eskrivia letras kon Benjamin Franklin, ande diskutian ensima de la Revolusion Amerikana.

La kaza de Its.hak de Pinto en Amsterdam, serka de la Esnoga de Amsterdam, es oy una biblioteka.

Ovras[trocar | trocar el manadero]

Traité de la circulation et du crédit, 1771
  • "Tratado da circulação e do crédito", de 1771- Su ovra mas konosida, en la kuala avla de las devdas del govierno i las konsekuensas para la ekonomiya de un payis.
  • "Ensaio sobre o luxo", publikado en 1762 en Amsterdam
  • "Apologia para a Nação Judia, ou Reflexões críticas". Publikado en 1762. Its.hak mando una kopia a Voltaire, el kualo lo rengrasio.
  • "Argumentos contra os Materialistas", publicado en La Aya en 1774.

Eskrivio endemas ensima del dezvelopamyento de la kantidad de paras i la konformasion de kapital. Karl Marx avlo en su ovra "El Kapital", kon kritikas a Its.hak, komparando el su estil kon el de Pindaros, poeta de la Gresia Antika, deke Marx no estava d'akodro kon la vizyon de Its.hak de Pinto, el kualo kreyia enel kapitalizmo i el liberalizmo ekonomiko.

Ver endemas[trocar | trocar el manadero]