Karl Marx

Un artíkolo de la Vikipedya, la ansiklopedya líbera
Karl Marx

Karl Heinrich Marx, era un intelektual, filosofo i endemas ideologo komunista almán de orijin djudio. Kon las sus ideas yegó a la filosofiya, la istorya, la sosiolojia i la ekonomia. Endjunto de Friedrich Engels, es el padre del sosializmo sientifiko. Sus ovras mas konosidas zon el Manifiesto del Partito Komunista (eskrito enjuntamente kon Engels) i El Kapital. Fue myembro fondador de la Liga de los Komunistas (1847-1850) i de la Primera Internasionala (1864-1872).

Chikes i manseves[trocar | trocar el manadero]

Karl Marx era el tresero de syete hijos de una famiya djudia de klase midia. El su padre, Herschel Mordechai (dempues yamado Heinrich Marx) Marx, el kualo era de una famiya de hahamim, lavorava komo avokato en Trier, en Almania. Las otoridades de Prusia le tinyian defendido lavorar komo avokato por ser djudio i antonses se konvirtio al Kristyanizmo para pueder sigir lavorando en Renania. Su madre era Henrietta Pressburg, nasida en los Paizes Bashos, i sus ermanos eran Sophie, Hermann, Henriette, Louise, Emilie i Caroline.

Karl estudio dirito en la Universita de Bonn ma los desho para ambezar filosofiya en Berlin. Se izo doktor en 1841 en Jena kon una tesis kon el titolo de Diferensia entre la filosofiya de la natura de Demokrito i la de Epikuro. Dempues lavoro kon Bruno Bauer en el Rheinische Zeitung i azta yegó a ser el redaktor shefe.

Aktivizmo fresko[trocar | trocar el manadero]

En 1836, Marx se kazo kon Jenny von Westphalen, una mujer de la klase diridjente prusiana ke rompio su kompromiso kon un mansevo puededor i akvdlado para estar kon Marx.[1] El su kazamiento eventualo karesia en las konvensiones socialas entonses dominantes, ya ke era un kazorio entre una hija de un orijen noble i un ombre de orijen djudio, ansina komo entre individuos ke pertenesiyan a la klase media i alta (aristokrasia) respeltivamente. Estas interrogasiones redujeronse por la amistad de Marx kon el padre de Jenny, el baron Ludwig von Westphalen, un aristókrata de pensamiento liberalo. Anyos mas tarde Marx le dedikará su tesis doktoral titulada Diferensia de la filosofía de la natura en Demokrito i Epicuro.[2] Los kasados se unieron siete anyos mas tarde en Almania, el 19 de djunio de 1843, en la Kilisia de San Pavlo en Bad Kreuznach.[3]

Ver endemas[trocar | trocar el manadero]

Referensias[trocar | trocar el manadero]

  1. Xablón:Cita libro
  2. Wheen 2001. pp. 17–21, 33.
  3. Wheen 2001. pp. 52–53.

Atamientos eksternos[trocar | trocar el manadero]

Commons Wikimedia Commons alberga kontenido multimedia sovre Karl Marx