Kiryat Aleom

Un artíkolo de la Vikipedya, la ansiklopedya líbera
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.


Kiryat Aleom (en ivrit: קריית הלאום, "la sivdad de la nasyon"), endemas yamado Kiryat Auma (en ivrit: קריית האומה, "la sivdad del puevlo"), es el nombre ofisial de un komplekso de fráguas ke se topan enel sentro de Yerushalayim ande se topan Kiryat Ben Gurion, la Knesset, el parko Sacher, el gan Menora, el parko de rozas Wohl i Binyanei Auma. Se konsidera komo la parte nord de la maále de Givat Ram.

El prodjekto tuvo su empesijo en la anyada de 1990 [1] i enel plano se espera yevar akí a todos los burós del govierno yisraeliano. Oy endiya se topan la Banka de Israel, el Muzeyo de Sensia de Yerushalayim, el Buró del Primer Ministro de Israel i el Djuzgo Supremo de Israel. En un futuro se espera fraguar el Archivo Nacional de Israel, la Galeriya Nasionala de Israel, la Biblioteka Nasionala de Israel, muevas fráguas para la Polis de Israel i el buró del Kontrolador de la Medinat Israel i la Kaza para Musafires Ofisialos de la Medinat Israel, la kuala se kreye va ser fraguada endjunto a Binyanei Auma.

La fin del prodjekto es esperada en 20 anyos. En estos planos esta endemas el fraguamiento de Kikar HaLeom, una plasa nasyonala serka del buró del Primer Ministro, ansina komo un bulvar nasional asta la plasa. Rova Mevo A'ir es un prodjekto para fraguar una mueva entrada prinsipal ala sivdad, desde Kiryat Aleom enel nord fina la entrada ala sivdad desde la Otopista 1. Enel anyo 2010 el govierno yisraeliano akodró kon una entreprisa olandeza la kuala planifika todo el proseso de fraguamiento de 20 anyadas. Endemas, el govierno akodró kon arkitektos yisraelianos para lavorar enel prodjekto de la entrada ala sivdad desde el lado nord.

Referensias[trocar | trocar el manadero]

  1. Hell no, they won't go. Jurnal Haaretz, 15 de Avril de 2002

Atamientos eksternos[trocar | trocar el manadero]

Commons Klika akí para ver las imajes de Commons ensima de Kiryat Aleom.