Kuzari

Un artíkolo de la Vikipedya, la ansiklopedya líbera
Edision del anyo 1880 en ivrit del Kuzari

El Kuzari (en arabo كتاب الخزر, Kitab al-khazari, en ivrit ספר הכוזרי, Sefer ha-Kuzari, Livro de los Házaros) es una de las más konosidas ovras del filósofo de la Edad Media djudio i poeta sefaradi Rabí Yehuda Halevi, el kualo fue akabado en la anyada de 1140[1].

La ovra esta dividida en sinko artikolos o "ma'amarim", i toma la forma de un diálogo entre el rey los házaros i un djudio ke fue kunvidado para ke ambezase de la relijión djudía. Orijinalmente eskrito en arabo, el livro fue tradusido por munchos hahamim (komo Yehuda ibn Tibbon) al ivrit i a otras linguas. Afilu la ovra no es konsiderada un dokumento istoriko de la konversion de los hazaros al djudaismo, alkunos akademikos komo el oryentalista Douglas Morton Dunlop, tienen afirmado ke el haham Yehuda Halevi tinia akseso a los dokumentos de los Hazaros, kon los kualos bazo la su ovra.[2] El istoriador Abraham ibn Daud, eskrivió ke ankontró alkunos elevos Hazaros en las yeshivot de Toledo enel syéklo XII.[3]

Enlasos eksternos[trocar | trocar el manadero]

Referensias[trocar | trocar el manadero]

  1. The Kuzari: In Defense of the Despised Faith. By Yehuda HaLevi. The American Center of Khazarian Studies
  2. Dunlop, D.M. The History of the Jewish Khazars, pp 119-120. Princeton University Press, 1954.
  3. Brook, Kevin Alan. The Jews of Khazaria, tercera edición, p 160. Rowman and Littlefield Publishers, 2018.