Ir al contenido

Le Journal de Salonique

Un artíkolo de la Vikipedya, la ansiklopedya líbera
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

La Primera Oja de "Le Journal de Salonique". 30 de Desie,bre de 1895.

Le Journal de Salonique era un djurnal ke era publikado kada dos semanadas entre 1895 i 1911 en Salonik, Imperio Otomano. Era el djurnal en lingua fransesa publikado por mas tyempo en la sivdad.[1]

Istorya[trocar | trocar el manadero]

Le Journal de Salonique era apresentado por Saadi Levi Ashkenazi en Salonik en 1895,[1] i era publikado la primera vez el 7 de novembre de 1895.[2] Enel primer numero del djurnal, Le Journal de Salonique deklaro el su objektivo de azer de la rejion una mas desvelopada.[1] El djurnal, el kualo era publikado kada dos semanadas,[2]tenia eskritos haberes lisionados kon todos las nasiones etnikas i relijiozas ke se topavan en la sivdad, i en la su primera oja tenia la data enel kalendario gregoriano, kalendario djuliano, kalendario musulmano ama no en kalendario ebreo.[1] Anke el fondador i editor del djurnal era djidio, el djurnal no era apresentado komo un djurnal djidio, al menos al empesijo; el djurnal publikava en kada semanada un kapitolo de romanes eskritas en su majorita por otores fransezos, los kualos eran tresladados al djudeo-espanyol; solo tres eskritores ke no eran fransezos eran publikados por el djurnal: el grego Kostis Palamas, el polako Henryk Sienkiewicz i el ostriano Leopold von Sacher-Masoch. [1]

El editor en shefe del djurnal era enel empesijo Vitalis Cohen, el kualo era trokado por Samuel Levy, un ijo de Sadi Levy.[1] El djurnal Le Journal de Salonique yego a tener kaji 1000 abones.[3]

El djurnal eskapo de publikar en 1911, endjunto kon el djurnal ermano La Epoka.


Referensias[trocar | trocar el manadero]

  1. a b c d e f Fuhrmann, Malte. Port Cities of the Eastern Mediterranean. Urban Culture in the Late Ottoman Empire. Cambridge University Press, 2020. ISBN 9781108769716
  2. a b Boorvaya, Olga. Modern Jewish Literatures. University of Pennsylvania Press, 2011
  3. Abrevaya Stein, Sarah. Creating a Taste for News: Historicizing Judeo-Spanish Periodicals of the Ottoman Empire. Jewish History, 2000. Volume 14, issue 1

Atamientos eksternos[trocar | trocar el manadero]

Commons Klika akí para ver las imajes de Commons ensima de Le Journal de Salonique.