Manifiesto komunista

El Manifiesto Komunista.

El Manifiesto del Partito Komunista (Manifest der Kommunistischen Partei, por su títolo en almán), una de las ovras polítikas kon mas enfluensia en la istorya, es un teksto demandado por la Liga de los Komunistas a Karl Marx i Friedrich Engels entre los anyos 1847 i 1848, publikada por priméra vez en Londra el 21 de Fevrero de 1848. Las ideas del Manifiesto son:

1. La istorya intelektuala i polítika de una sosyeté es determinada por el modo de produksiyon i la formasiyon sosyala i ekonómika ke esta derivada de este modo;
2. Desde el diya enel kualo aparesieron las klasas sosyalas kon baza en la proprieta privada i la eksplotasiyon, la istorya de las sosyetés tiene komo baza la lucha de las klasas bashas;
3. En la sosyeté modérna de oy endiya, el proletariado es la únika klaza sosyala ke tiene komo sinyifikado de la su libberasiyon, la de toda la umanidad a traverso de la revolusiyon komunista: el fin de la proprieta de la burgeziya, las klasas sosyalas i el Estado.

Relevansia Istorika

En 1842, de edad de 24 anyos, Marx dirijía un peryodiko yamado "La Gaseta Renana", ke se editava en la siudá de Kolonia. Friedrich Engels, ijo de una rika familya de industryales, tenia antonses 22 anyos i kontrivuyia kon este peryodiko. Por akeyos diyas, la famiya de Engels dechidyó enviarle a estudyar i a dirijir los negosios de la famiya en la sivdad ingleza de Manchester, ke era antonses el sentro del kapitalizmo mundial.