Marco Polo

Un artíkolo de la Vikipedya, la ansiklopedya líbera
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Marco Polo enel palasio de Kubilai Khan.

Marco Polo (15 de Septembre de 1254 - 8 de Djenero de 1324) nasió i murio en Venezia; es el mas famoso de los viajantes del Kamino de la Seda.

El padre i el tiyo de Marco Polo ya tenian echos viajes verso Asya antes del su nasimyento. Marco Polo era de edad de 6 anyos kuando el su padre i el su tiyo viajaron verso Kina por la prima vez. Kuando tornaron a Venezia, Marco Polo ya era de edad de 15 anyos i la su madre murio.

Ala fin del anyo de 1271, el papás Gregorius X mando regalos kon la famiya Polo kon el buto de yevarlos verso Kina para el Gran Khan. Ansina, kuando Marco Polo era de 17 anyos, salio de Venezia kon el su padre i el su tiyo verso el oryente. Treskrusaron Armenia, Persia i Afganistan asta arrivar ala Kina, viajando a traverso de todo el Kamino de la Seda. La tornada la izo a traverso del mar de Kina fina Hormuz, desde ande viajo por tierra verso Venezia.

Kuando yegó ala sivdad, fue yevado ala prizión por las autoridades genovezas, i mientres tanto eskrivió las sus aventuras. Shukur a los ss detalyos, Oksidente aresivió konosensia de las tierras ajenas de la Asya Oryentala.