Venezia

Un artíkolo de la Vikipedya, la ansiklopedya líbera

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Venezia
בֿיניזיה
Bandyera de Venezia בֿיניזיה Escudo de Venezia בֿיניזיה
Paiz  Italia
• Rejion Veneto
• Belediye Venezia
Pozision 45°26′23″N 12°19′55″E
• Altura n/d
Superfisia n/d
Povlasion 270 884 mor.
• Densidad n/d
Jentilisio n/d
Alkalde Luigi Brugnaro
Pajina web n/d


Venezia es una sivdad del Vilayet de Venezia. Tiene una povlasion de 270 884 avitantes. Es la kapitala de la rejion del Veneto i endemas del vilayet omonimo. El su sentro istoriko, deklarado Erensia dela Umanidad por la Unesco, es situada en un konjunto de izlas en la lagona de Venezia, en el norte de la mar Adriatika.

Es una antika sivdad italiana de romanzas, kosejas i lashon; ayi se konmemora el karnaval de Venezia, ansina el evento popolar mas emportante del anyo, endemas ay otros atraktivos turistikos komo el paseo por las gondolas en la kalejas de agua.

Dempues de la ekspulsion de los sefaradis de Espanya en el anyo de 1492, la sivdad de Venezia hue mismamente uno de los lugares ande yegaron djudios sefaradis para morar por modre de las persekusiones, aki se fraguo una de las esnogas mas galanas mandado a levantar por los djudios ekspulsados.

Etimolojia[trocar | trocar el manadero]

El nombre dela sivdad, proviene delos biervos latinos "Venetia" i "Venetiae", es muy probablemente ke ayiga sido retomado de "Venetia et Histria", el nombre romano de Regio X dela Italia romana, ma aplikado a la beira de la rejion ke permanesio debasho del Imperio Romano (Imperio Bizantino) huera del kontrol gotiko, lombardo i franko. El nombre Venezia, deriva del nombre romano para el puevlo mentado komo Adriatiko Veneti Veneti, i yamado por los gregos Eneti (Ἐνετοί). El sinyifikado del biervo insierto, endemas de ke ay otros grupos indoevropeos kon nombres de son similar, komo Veneti (Galia), Veneti sélta, Vistula Veneti, i el eslavo Wends. Los linguistas sudjieren ke el nombre tiene orijen protoindoevropeo (indoevropea), wen (amor), de modo ke wenetoi sinyifikaria "amado", "amable", o "amistoso". Tambien es posible una konegzion kon la palavra latina venetus, ke sinyifica kolor mavi marino.

Akodros[trocar | trocar el manadero]

La Sivdad de Venezia es ermanada kon munchas sivdades del mundo:

Ver endemas[trocar | trocar el manadero]

Referensias[trocar | trocar el manadero]

Atamientos eksternos[trocar | trocar el manadero]