Mitolojiya

de Vikipedya, la ansiklopedya líbera
Saltar a: navigación, buxcar

La mitolojiya es un konjunkto estrukturado de mitos de un puevlo o de una relijion.

konsepto[trocar | editar código]

Una mitolojiya es un konjunkto de mitos relativamente kohesionado: relatos ke forman parte de una determinada relijion o sistema de valores.

Los mitos son jeneralmente relatos basadas en la tradision i en la leyenda kreadas para eksplikar el universo, la kreasion del mundo, los fenomenos naturales i kalkier kosa para la ke no haya una eksplikasion simple. Ama no todos los mitos tienen por ke tener este proposito eksplikativo. Igualmente, la mayoría de los mitos estan relasionados kon una fuerza natural o deidad, ma munshos son simplemente leyendas e istorias ke se han ido transmitiendo oralmente de jenerasion en jenerasion.

La mitolojiya aparese de manera prominente en la mayoría de las relijiones i toda mitolojiya esta relasionada kon una relijion a lo menos.

La mitolojiya i las relijiones kontemporaneas[trocar | editar código]

Algunas personas emplean las palavras mito i mitolojiya para karakterizar komo falsas o a lo sumo dudosas, las istorias ke aparesen en una o mas relijiones.

El termino se suele usar mas frekuentemente en este sentido para referirse a las relijiones fondadas por sosiedades antiguas, komo la mitolojiya romana, la mitolojiya griega i la mitolojiya eskandinava.

Sin embargo, es importante rekordar ke mientras ke algunas personas ven los panteones eskandinavo i kelta komo meras fabulas, otros las konsideran relijiones (vease Neopaganismo).

Por ekstension, munsha jente no konsidera los relatos ke rodean al orijen i desarroyo de relijiones komo el kristianismo, djudezmo e Islam komo kronikas literales de eventos, sino mas bien komo representasiones figurativas de sus sistemas de valores.

La jente pertenesiente a la mayoría de las relijiones se ofende kuando se toma a su fe komo un konjunkto de mitos, ya ke esto ekivale a desir ke la relijion en sí es una mentira. Sin embargo, la mayoría de la jente esta de akordo kon ke kada relijion tiene un konjunkto de mitos ke se ha desarroyado alrededor de sus eskrituras relijiosas.

Por lo tanto, para los propositos de este artíkulo, usamos la palavra mitolojiya para referirnos a istorias ke, aunke pueden perteneser o no a la realidad, revelan verdades i visiones fondamentales sovre la naturaleza humana, a menudo grasias al uso de arketipos. Ademas, las relatos ke analizamos ekspresan los puntos de vista i las kreensias de un país, una epoka, una kultura i/o una relijion ke las orijinaron.

Los relatos de las eskrituras no se konsideran jeneralmente mitolojiya a no ser ke sea en un sentido peyorativo, ma se puede favlar de mitolojiya judía, mitolojiya kristiana o mitolojiya islamika, para referirnos a los elementos mítikos ke eksisten en estas fes sin favlar de la verasidad de los prinsipios de la fe o de las versiones de su istoria.

Los saserdotes i rabinos de hoy en día dentro de los movimientos judíos i kristianos mas liberales, ademas de los neopaganos, no tienen problemas en admitir ke sus tekstos relijiosos kontienen mitos. Ven sus tekstos sagrados komo verdades relijiosas, reveladas por inspirasion divina, ma mostradas en la lingua del jenero humano. Otros, por supuesto, no estan de akuerdo.

"Mitolojiyas" en la kultura popular kontemporanea[trocar | editar código]

Aunke munsha jente piensa ke la mitolojiya tiene ke ser antigua, no siempre es ansi.

Algunos autores han kreado kontruksiones fantastikas kuya estruktura tiene relasion kon las mitolojiyas. Por egzempio, las series de television i los libros komo Star Trek i Tarzan tienen komponentes mitolojikos muy importantes ke a veses pueden dan lugar a komplikados sistemas filosofikos. Un egzempio ekselente de este tipo de mitolojiya es la desarroyada por Tolkien en El Silmariyion i El Senyor de los Aniyos.

Algunos krítikos opinan ke el fesho de ke los personajes prinsipales i las istorias de lo siklos de istorias modernas no sean de dominio publiko impiden ke dichas sagas de personajes kompartan algunas de las karakterístikas esensiales de las mitolojiyas; las leyes sovre dereshos de autor impiden a los autores independientes kontinuar siklos de istorias modernas.

Otra objesion es la ausensia de toda evidensia de ke estos "mitos" sean objeto de kulto o kreensia en la sosiedad kontemporanea.

Autores[trocar | editar código]

siklos[trocar | editar código]

klasifikasion de mitolojiyas por kultura[trocar | editar código]

Vease tambien la kategoría:Mitolojiya

afrika[trocar | editar código]

Australia i Oseania[trocar | editar código]

Mitolojiya amerikana[trocar | editar código]

no-Amerindios[trocar | editar código]

Amerindio[trocar | editar código]


Asia[trocar | editar código]

Evropa[trocar | editar código]

Medio Oriente[trocar | editar código]


Arketipos mitolojikos[trocar | editar código]

Razas mitolojikas[trocar | editar código]

Artíkulos relasionados[trocar | editar código]