Modeh Ani
Mode Ani ((en ivrit); "doy grasias") es una orasion djudia ke los djudios ke miran a la ley dizen kada dia kuando se despiertan, mientras dainda estan en la kama
Teksto
[trocar | trocar el manadero]| Versiones | Ivrit | Transliterasion | Ladino
(trezlasion tradisional) |
Ladino
(trezlasion moderna) |
|---|---|---|---|---|
| Maskulina | מוֹדֶה אֲנִי לְפָנֶֽיךָ מֶֽלֶךְ חַי וְקַיָּים. שֶׁהֶֽחֱזַֽרְתָּ בִּי נִשְׁמָתִי ,בְּחֶמְלָה. רַבָּה אֱמֽוּנָתֶֽךָ׃ | Mode ani lefanekha melekh ḥai vekayam sheheḥezarta bi nishmati b'ḥemla, raba emunatekha | Atorgo yo delantre de ti rey bivo i firme ke izistes tornar en mi mi alma.Por piadad grande de tu fieldad. | Doy grasias delantre de ti, rey bivo i eterno ke izistes tornar en mi mi alma kon kompasion;
Grande es tu fieldad! |
| Femenina | מוֹדָה אֲנִי לְפָנֶֽיךָ מֶֽלֶךְ חַי וְקַיָּים. שֶׁהֶֽחֱזַֽרְתָּ בִּי נִשְׁמָתִי ,בְּחֶמְלָה. רַבָּה אֱמֽוּנָתֶֽךָ׃ | Moda ani lefanekha melekh ḥai vekayam sheheḥezarta bi nishmati b'ḥemla, raba emunatekha |
Tradision
[trocar | trocar el manadero]Lamentasiones dize ke "Las piadades del Senyor no se consumen, de sierto Sus kompasiones no mankan. Son muevas kada manyana; grande es tu piadad."[3] A partir de esto, el Shulhan Aruh deduze ke kada manyana, el Dio remueva a kada umano komo una mueva kreasion. Esta orasion kumple el buto de ekspresar gratitud al Dio por azer tornar las almas de la djente kada manyana.
La orasion Mode Ani, andjak, no esta en el Talmud or el Shulhan Aruh, i topa primeramente en Seder haYom del haham del sekolo 16 Moshe ben Mahir.
Esta orasion no tiene dingun nombre del Dio, dunke los djudios ke miran a la ley pueden dezirla antes de lavarse las manos. Asegun el Kitzur Shulchan Aruch, se deveria azer una pekenya pausa entre los biervos "kompasion" i "grande".
En el dor del Talmud, los djudios tradisionalmente dezian Elohai Neshama ((en ivrit), "Mi Dio, el alma") kuando se despertavan.La orasion luego se troko a Shaharit.[4]
Por su sempleza, Mode Ani es una oracion popularya entre las kriaturas chikas, i es una de las primeras ke se enkomenda a los padres ambezarle a sus ijos.[5] .
Vease tambien
[trocar | trocar el manadero]Referensias
[trocar | trocar el manadero]- ↑ Artscroll Sephardic Siddur: The Schottenstein Edition. Brooklyn, N.Y., 11232: Artscroll Mesorah Publications. 2019. p. 2. ISBN 978-1422623190.
- ↑ Alshid, Yaakov, i Yosef Alshid. Seder Tefilat Kol Peh. Josef Schlesinger’s Buchhandlung, 1891.
- ↑ Lamentasiones 3:22-23.
- ↑ Nulman, Macy (1996). The Encyclopedia of Jewish Prayer: The Ashkenazic and Sephardic Rites. Jason Aronson, Inc. p. 125. ISBN 978-1568218854.
- ↑ Soclof, Adina. “Top 4 Ways to Teach Your Kids How to Pray.” Orthodox Union, 15 Sept. 2016, https://www.ou.org/life/parenting/top-4-ways-teach-kids-pray/.