Shulhan Aruh
El Shulhán Aruh (en ivrit שולחן ערוך, mesa aprontada) es la kodifikasiyon de la ley djudía eskrita por Rabí Yosef Karo (1488-1575), el kualo era uno de los últimos poskim i místikos de Safed. Bazada en otro livro de Karo, el Bet Yosef, anke kitado el komentario analítiko, el Shulhán Aruh es una presentasiyon kompleta de la Alaha en katro seksiyones. El Shulhán Aruh tiene kodifikadas las leyes i tradisiones de los sefardim i mizrahim, los kualos akseptaron pishín esta ovra komo la gia kon autoridad para las komunitas djudias. Afilu para los ashkenazim, la ovra del haham Karo no amostró varias tradisiones i humrot ke egzistiyan en las komunitas djudias de Evropa Sentrala i Oryentala desde la epoka de Rabí Asher ben Yehiel. Alkunos trokamyéntos i notas emportantes fueron adisionados por Rabí Moshé ben Israel Isserles, el Rem"a (1525-1572), ma egziste una versiyon muy popular, el Kitzur Shulhan Aruh, la kuala fue publikada en Madjaristan por el Rabí Shlomo Ganzfried enel anyo 1864. A diferensia del Talmud, el Shulhan Aruh es una obra monosemika, es dizir, esta eskrita de tal manera ke sólu ay una interpretasiyon posivle.
La su estruktura de 4 libros, sige un orden komo el de los Libros de Turino, del rabino Jakob ben Asher:
- Orah Haim (אורח חיים): siklo de vida, arrogamientos i fiestas relijiosas.
- Ioré Deá (יורה דעה): kashrut y luto, entre otros.
- Even Ha'ezer (אבן העזר): relasiones entre el ombre i la mujer.
- Hoshen Mishpat (חושן משפט): diríto publiko, penal i privado.
Referensias
[trocar | trocar el manadero]- Judaísmo A-Z. Léxico Ilustrado de Términos y Conceptos. Departamento de Edukasiyon i Kultura Relijiosa para la Galut de la Organizasiyon Zionista Mondiala. Yerushalayim, 1983, p. 574. (en lingua kastilyana)