Oseano Indiko

de Vikipedya, la ansiklopedya líbera
Saltar a: navigación, buxcar
Oseano Indiko

El Oseano Indiko es el treser oseano más grande de la Tierra i tiene las sus beiras en Afrika Oryentala, Medio Oryente, Asya del Sud, el Sudeste Asyatiko i Ostralya.

El Oseano Indiko okupa aproksimadamente el 20% del planeta. Los sus limitos estan definidos kon el Oseano Atlantiko al meridiano 20 E (Kabo Agulhas), del Oseano Pasifiko al 147 E i del Oseano Glasial Antartiko por el paralelo 60 S. El punto más al nord del oseano Indiko está aproksimadamente a 30 grados de latitud nord enel Golfo Persiko. El oseano tiene aproksimadamente 10.000 km de distansia entre las puntas sud de Afrika i Ostralya; su ekstension es de 73.556.000 km², kon la Mar Kolorada i el Golfo Persiko. Egzisten chikas isolas serka de las beiras del oseano.

Egzisten endemas payises echos de isolas, komo Madagaskar (la katrena isola más grande del mundo), Isolas Komoras, Seychelles, Maldivas, Maurisio i Sri Lanka; Indonesia se topa en sus limitos. El oseano es el kamino para las naves ke viajan entre Asya, Afrika i Evropa, lo kualo tiene kavzado munchas gerras por el su kontrolo. El Indiko es yamado ansina deke munchas de sus beiras estan en India i en Indonesia.


Ikono de esbozo

Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.