Ospital Or-Ahayim

Un artíkolo de la Vikipedya, la ansiklopedya líbera
Or-Ahayim ospital de los djudios en Balat.

El Ospital Or-Ahayim ez un ospital en Balat. El ospital ez nombrado kon su nombre espesial Ospital de los djudios en Balat. Munchos anyos antes en la maale de Balat moravan djudios. I este ospital era fondado de parte de los djudios de Turkiya. El ospital fue fragado kon el orden del rey otomano Abdul Hamid II en el anyo 1898, komo un dispanser. La kavza ke se fraguo este ospital en Balat fue para ayudar a puevlo ke biviyan aya, i no teniyan la posibilitad para tener ayuda de doktor.

El ospital Or-Ahayim se empeso a fraguar en el kavo del 19 sieklo de parte de la komunita djudia de Turkya. La fragua kontinuo doz anyos, i en el anyo 1898 se avyo para el puevlo kon el nombre en ebreo Or-Ahayim ke sinyfika Luz de la vida. Este ospital empeso a su servisio komo sentro de salud. Kon el tiempo se engrandesio el maz emportante sentro de salud de Estambol.

En el periodo de maz de sien anyos se okupo el ospital de los firidos de la gerra del Balkan, la Primera gerra mondiala i de la gerra de endependensia de la Turkiya. Aparte de esto adelanto munchos doktores. El ospital tiena 98 kamas. afilu ke ez chiko aparte de servir a los hazinos apoya a los viejos, a los menesterozos i a los estudiantes.

El ospital se topa en Balat en el kenar del Korno de Oro i ez avierto para todoz los menesterozos. Este ospital ez dirijado de parte del Fundación Or-Ahayim i kada 4 anyos se troka el dirijedor.

Enlases eksternos[trocar | trocar el manadero]