Hanukka

Un artíkolo de la Vikipedya, la ansiklopedya líbera
Ensendiendo las kandilikas de Hanukka

Hanukka (חֲנֻכָּה, i sin las nikudot חנוכה), yamada "La Fyésta de las Kandelikas", es una fiesta djudia ke se aze durante ochu diyas, i en la kuala se arikódra la viktoria sobro de los grégos i la obtension de la independensia djudia shukur a los makkabim i la posterior purifikasiyon del Bet Amikdash i la su limpiesa de idolos i avodá zará, de la kuala se arikódra el mirakolo del kandelabro (hanukiya), el kualo tinía luz durante los ochu diyas siguidos, kon una kantidad muy chika de alzeyte.

Istorya i tradisiyon[trocar | trocar el manadero]

La selebrasion de Hanukka arikódra los diyas del kontrolo eléniko en Israel, la kuala empiesó kon la konkista de Aleksandro Magno, enel anyo 332 a.E.K.; i por esto no se mensiona enel Tanah. Kuando Antiokos IV Epifanes es koronado komo rey de Suria (175-164 a.E.K.), éste deside azer má grégo al pueblo de Israel, defendiendo ansina a los djudios de pueder sigir las sus tradisiyones i kostumbras. Un grupo de djudios, konosido komo los makkabim (el su nombre proviene del su lider, Yehuda Makkabi), los kualos bivian en la rejion de Modi'in, empiesó a aktuar en kontro de los soldados grégos, ya ke se opozaban a azer aktos en kontro de la su relijion. Eyos izieron una gerra muy zor, deke eran una minoriya en kontro de una armada grande i kon muncha huérsa: ma afilú, las sus estratejias, las sus desisiones, el ser unos soldados korajozos i la su fey los yevaron a lo konosido komo el mirakolo de Hanukka: ganar en una gerra kontra una armada muy grande. Kuando la gerra akaba, los makkabim aboltan a Yerushalayim, al Bet Amikdash i lo ankontran yeno de idolos i ankontran endemas la menora apagada, sin [kandela]]s, ma ankontran alzeyte sufisiente para ensender las kandelas un sólu diya. Se tadraron ochu diyas en pueder konsigir má alzeyte, ma afilú en todos estos diyas, la menora o hanukkiya siempre tuvo las sus kandelas ensendidas.

Selebrasiyon[trocar | trocar el manadero]

Hanukkiya prendida el 7º diya

La fyesta de Hanukka se selebra durante ochu diyas, del 25 de Kislev al 2 de Tevet (o el 3 de Tevet, kuando Kislev kuenta kon sólu 29 diyas). Durante Hanukka se prende una hanukkiya o menora de ochu brazos (má uno mayor, yamado shamash). En la priméra noche sólu se prende el shamash i una kandela, i kada noche se va ensendiendo una kandela más, asta el último diya enel kualo toda la hanukkiya esta ensendida. Este fakto arikódra el mirakolo de ke el alzeyte alkansó ocho diyas.

Una de las kostumbras de esta fiesta es ke los ninyos djueguen kon un sevivon o dreidel. Este tiene katro karas, kada una de eyas kon una letra del alefbet:

Hanukkiya en la Plasa Miranda en Caracas, Venezuela

Las katro letras son las inisiales de Nes gadol haia sham, lo ke kere dizir, "Un mirakolo grande akontesió ayá". En Israel, la katrena letra es פ en vez de ש, i las inisiales son de Nes gadol haia po, lo kualo se traduse a "Un mirakolo grande akontesió akí". También se tiene komo konstumbra kumer levivot ("latkes", en idish), bimuelos i sufganiot, los kualos son pastelikos de papa, kézo i bolitas de masa reynadas de marmelada. En alkunas sivdades ande se akontran komunitas de Habad Lubavitch, se amostran Hanukkiyot publikas, i las luses se ensienden para ke las pueda ver toda la djente de la sivdad.

Enlasos eksternos[trocar | trocar el manadero]

Commons Klika akí para ver las imajes de Commons ensima de Hanukka.