Repuvlika de Nagorno-Karabah

Un artíkolo de la Vikipedya, la ansiklopedya líbera
Bandiera de la Repuvlika de Nagorno-Karabah

La Repuvlika de Nagorno-Karabah,[1] Repuvlika del Alto Karabah o Repuvlika de Artsah, es una repuvlika independiente de fakto ke se topa en la rejion de Transkavkazia, ofisialmente akseptada por la ONU komo una rejión ke aze parte de Azerbaidjan. Tiene basho su kontrolo la mayor parte de la rejion de Nagorno Karabah i otros distritos de Azerbaidjan ke se topan en la frontiera kon Armenia (al Oeste) i kon Iran (al Sud).[2]

Esta rejion era gerreyada por Armenia i Azerbaidjan desde la su independensia del Imperio Ruso enel anyo 1918. Dempués ke la Union Sovyetika tomó la rejion basho el su kontrolo, enel anyo 1923 se krió el oblast otonomo de Nagorno-Karabah, adiéntro de la Repuvlika Sosyalista Sovyetika de Azerbaidjan. Dempués de ke la URSS yegó a la su fin, la rejion tornó a ser gerreyada entre los dos payises, asta ke se dezvelopó la gerra de Nagorno Karabah, entre 1991 i 1994.

El 10 de Disiembre de 1991, durante la guerra de Nagorno Karabah, la rejión se deklaró independiente.[3] Afilu dingun payis myembro de la ONU lo rekonose ansina.

La su povlasión es kaji totalmente de orijin armenio.[4]


Referensias[trocar | trocar el manadero]

  1. «Nagorno Karabaj», enel Diksionario de la Real Akademia de la Lingua Kastilyana.
  2. Official website of the President of the Nagorno Karabakh Republic. General Information about NKR (en lingua inglesa)
  3. Nagorno-Karabaj. Djurnal El Mundo (en lingua kastilyana)
  4. Azerbaijan, en The World Factbook de la Ajensia Sentrala de Intelijensia. (en lingua inglesa)