Ronit Elkabetz

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Ronit Elkabetz (Ivrit: רונית אלקבץ‎‎, Arabo: رونيت القبص‎‎‎; Beersheva, 27 de Noviembre de 1964 - 19 de Avril de 2016) era una aktrisa i direktora de sinema israeliana, de orijin marokano. Lavoro enel sinema israeliano i fransez, aresiviendo tres premios Ofir i era yamada a siete premios.

Biografiya

Elkabetz nasio en Beersheva en 1964, en una famiya marokana relijioza orijinala de Essaouira, i kresio en la sivdad de Kiryat Yam. La su madre avlava fransez i arabo, ma el su padre demandava ke en la su kaza avlasen solu ivrit.^[1] Elkabetz era la bohora de katro kreaturas, kon tres ermanos i dinguna ermana. Elkabetz no ambezo sinema; el empesijo de la su karriera era komo modelo, biviendo una parte de la anyada en Paris i la otra en Tel Aviv. Se espozo kon el arkitekto Avner Yashar el 25 de Djunio de 2010.^[2]

Enel anyo 2011 aresivio el Premio Haïm Zafrani por los sus ajustamientos ala kultura i la erensia de los djudios de Maroko.^[3]

Enel anyo 2015 era yamada la presidenta del Djuzgo de Kritikos de Sinema internasionalos del Festival de Sinema de Cannes de 2015.^[4] En 2015, aresivio un doktorat honoris causa de la Universita Ebrea de Yerushalayim. Elkabetz murio el 19 de Avril de 2016 de kanser, diskues de una lunga gerra kontro la hazinura.^[5]

Filmografiya

Komo aktrisa

Hameyu'ad (1990)
Eddie King (1992)
Sh'hur (1994)
Tzalaket (1995)
Milim (1996)
Ben Gurion (1997)
Kazamiento atrasado (2001)
Origine contrôlée (2001)
Alila (2003)
Or, Mon trésor (2004)
VeLakahta Leha Isha (2004)
Bikur haTizmoret (2007)
L'endroit idéal (2008)
Cendres et sang (2009)
Jaffa (2009)
Tête de turc (2010)
Mabul (2010)
Les mains libres (2010)
Lo Roim Alaih (2011)
Zarafa (2012)
Get: El djuzgo de Viviane Amsalem (2014)

Komo direktora

VeLakahta Leha Isha (2004, dirijida endjunto kon el su ermano Shlomi Elkabetz)
Shiva (2008, dirijida endjunto kon el su ermano Shlomi Elkabetz)
Get: El djuzgo de Viviane Amsalem (2014, dirijida endjunto kon el su ermano Shlomi Elkabetz)

Seriadas de televizion

Florentin (2000)
Franco Ve'Spector (2003-2004)
Parashat Ha-Shavua (2006-2009)
Trepalium (2006)

Premios aresividos

Ofir: Amijor aktrisa por "Sh'hur", 1994
Ofir: Amijor aktrisa por "Kazamiento atrasado", 2001
Festival de sinema de Salonika: Amijor aktrisa por "Kazamiento atrasado", 2001
Festival de sinema independiente de Buenos Ayres: Amijor aktrisa por "Kazamiento atrasado", 2001
Festival de sinema moderno de la Sivdad de Meksiko: Amijor aktrisa por "Or, Mon trésor", 2004
Festival de sinema romantiko de Mons: Amijor aktrisa por "VeLakahta Leha Isha", 2004
Ofir: Amijor aktrisa por "The Band's Visit", 2007
Festival de sinema de Yerushalayim: Amijor aktrisa por "The Band's Visit", 2007
Ofir: Premio por los sus ajustamientos ala industria del sinema israeliano, 2010
Premio Haïm Zafrani por los sus ajustamientos ala kultura, 2011

Referensias

[1] Femme Fatale. NRG (en ivrit)

[2] White Diva: Late Marriage of Ronit Elkabetz NRG. 27 June 2010

[3] Le Prix Haïm Zafrani (en lingua fransesa)

[SemaineJury-4] Ronit Elkabetz, President of the 2015 International Critics' Week Jury

[5] Actress and filmmaker Ronit Elkabetz dies at age 51. The Jerusalem Post

[1]

[2]

[3]

[4]

[5]