Rose Zwi
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Rose Zwi (Oaxaca, 8 de May de 1928- Sydney, 22 de Oktobre de 2018) era una eskritora i aktivista en kontro del apartheid sud-afrikana-ostraliana nasida en Meksiko, konosida por las sus ovras ensima de las komunitas ke emigraron verso Afrika del Sud.
Biografiya[trocar | trocar el manadero]
Zwi nasio en la sivdad de Oaxaca (Meksiko) en una famiya arefujiada la kuala arivo desde Lituania en 1926. Los sus padres eran orijinalos de la viya de Žagarė, serka de la frontiera kon Letonya. La su famiya dechidio emigrar verso Afrika del Sud kuando eya ainda era una kreatura.
Kariera[trocar | trocar el manadero]
Zwi ambezo literatura inglesa en la Universita del Witwatersrand (Djohannesburgo) i eskapo en 1967.[1][2] Diskues de eskapar la universita, lavoro komo editora en la kaza Raven Press, la kuala apresento la su primera romansa, Another Year in Africa. Kuando bivia en Afrika del Sud, apartenia ala organisasion de resistensia en kontro del apartheid Black Sash.[2] Another Year in Africa ("Otruna anyada en Afrika", 1980) es dezvelopada en una sivdad imajinada de Mayfontein, serka de la kapitala ekonomika del payis, Djohannesburgo entre la anyada de 1930 i empesijos de los 1940. La romansa es una istorya de egzilio, asimilasyon i rasizmo sentrada en la komunita djudia kon orijin en Lita.[3]
Bivio unas anyadas en Israel, ande de espozo, ama abolto en Afrika del Sud en 1988. Aresivio la suditansa de Ostralia en 1992 i bivio en la sivdad de Sídney (Mueva Gales del Sud) fina la su muerte en 2018. Enel anyo 2006, vijito la viya de los sus padres en Lituania.[4]
Onores[trocar | trocar el manadero]
- 1982 - Ganadora del Premio Olive Schreiner por Another Year in Africa: un premio para muevos eskritores. [5]
- 1982 - Premio Mofolo-Plomer por una por una romansa mueva: The Umbrella Tree[6]
- 1994 - Premio de Romansa de la Komision de Diritos Umanos i Oportunidades Igualas por Safe Houses [7]
Ovras[trocar | trocar el manadero]
- Another Year in Africa (Bateleur Press, 1980)
- The Inverted Pyramid : a Novel (Ravan Press, 1981)
- Exiles: A Novel (Ad. Donker, 1984) [8]
- The Umbrella Tree (Penguin, 1990)
- Safe Houses (Spinifex, 1993)
- Last Walk in Naryshkin Park (Spinifex Press, 1997) [9]
- Speak the Truth, Laughing (Spinifex, 2002) [10]
- Once Were Slaves: A Journey Through the Circles of Hell (Muzeo Djudio de Sydney, 2010)
Referensias[trocar | trocar el manadero]
- ↑ Zwi, Rose
- ↑ a b RiP Rose Zwi. Books and Publishing
- ↑ Angelfors, C. & Olaussen, M (eds) 2009, Africa Writing Europe: Opposition, Juxtaposition, Entanglement, Editions Rodopi B.V, Payises Bashos
- ↑ Zhager. JewishGen
- ↑ Olive Schreiner Prize Winners. The English Academy of Southern Africa
- ↑ Rose Zwi
- ↑ Human Rights Medal and Awards. Human Rights and Equal Opportunity Commission
- ↑ Women Writers Series (Ad. Donker) - Book Series List
- ↑ Last Walk in Naryshkin Park (book reviews)
- ↑ Jean-François Vernay, Rose Zwi, Speak the Truth, Laughing (book review)