San Marcos (departamento)

Un artíkolo de la Vikipedya, la ansiklopedya líbera
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Departamento de San Marcos
דיפארטאמינטו די סן מרקוס
Departamento de San Marcos
Bandyera Eskudo

Situasión de San Marcos
Situasión de San Marcos

Paiz:  Guatemala
Entidad: Departamento
Kapitala: San Marcos
Mayor sivdad: San Marcos
Linguas ofisialas: Kastilyano.
Forma de governo: Governo departamental
Shefe de governo:
Ekstension: 3791 km2
Povlasion: 1 032 277
·Densidad: 27.2 ab/km2
Djentilisio: Sanmarkenyo
Uzo orario: UTC−6
Kodigo ISO: GT-12
Hoja web:


San Marcos es uno delos 22 departamentos de Guatemala, la suya kavesera departamentala es la sivdad de San Marcos. El departamento aze frontiera kon los Estados Unidos Meksikanos, endemas es ande es la mayor altitud del paiz, aki se topa el volkano Tajumulco, la montanya mas alta de Guatemala. Es unos de los departamentos guatemalanos ke aresive muncho turizmo por la vesindad kon el estado meksikano de Chiapas, ansina tambien es uno delos departamentos de mayor kruze de migrantes por la sivdad Ayutla Tecún Uman ke aze frontiera internasionala kon el Meksiko.

Etimolojia[trocar | trocar el manadero]

El nombre del departamento proviene del nombre dela sivdad de San Marcos, ke a la vez es el nombre de uno delos katrenos evanjelikos del Muevo Testamento.

Istoria[trocar | trocar el manadero]

Los primeros afinkamientos son por los kazales mayas ke se afinkaron aze 1000 anyos denantes de Kristo, los mam son una de las etnias mayas en el periodo klasiko.

El sinyorio de los mam se egztendia desde Huehuetenango asta San Marcos i parte de Chiapas, ande Pedro de Alvarado mandó al kapitan Juan de León Cardona a someter la rejión kon un ejérsito integrado por sinkuenta soldados espanyoles i alkunos tlaxkaltekos.

Algunos de los kazales de San Marcos se afinkaron ensima de kazales preispanikos topados en esas áreas, komo en San Pedro Sacatepéquez, siendo este la primera kavesera del departamento de San Marcos. Otros fueron fondados, o redusidos durante la Colonia, los kualos se mensionan en las kronikas de la época. Las komunitas de la beira surjieron kon el muchiguamiento kafetalero entre 1870 i 1920, ke avanso el arrempushe de esta tierra.

La mayor parte del aktualo territorio de San Marcos pertenesio al korrejimiento de Quetzaltenango durante el periodo kolonialo espanyol. San Marcos, en el sieklo XVI, se le konosio komo «El Barrio» i endemas levantose ayi un templo para la primera Iglezia katolika konsagrada a San Marko Evanjelista, de ande el departamento fue nombrado, por abed sido puesto basho la advokasión de San Marko.

Jeografia[trocar | trocar el manadero]

El Departamento de San Marcos kolinda al norte kon el departamento de Huehuetenango, al sud topa kon el Oseano Pasifiko, al este kon el departamento de Quetzaltenango, al sudeste topa kon el departamento de Retalhuleu, i al oeste aze frontiera kon los Estados Unidos Meksikanos (estado de Chiapas). El departamento es apartajado en treintenos belediyes, la kapitala es la sivdad de San Marcos.

Governo i administrasion[trocar | trocar el manadero]

Organizasion territoriala[trocar | trocar el manadero]

El departamento de San Marcos es apartajado en treinta belediyes[1] los kualos son:

Belediye Area (km2) Povlasion
Ayutla
Catarina
Comitancillo
Concepción Tutuapa
El Quetzal
El Rodeo
El Tumbador
Esquipulas Palo Gordo
Ixchiguán
La Blanca
La Reforma
Malacatán
Nuevo Progreso
Ocós
Pajapita
Río Blanco
San Antonio Sacatepéquez
San Cristóbal Cucho
San José Ojetenam
San Lorenzo
San Marcos
San Miguel Ixtahuacán
San Pablo
San Pedro Sacatepéquez
San Rafael Pie de la Cuesta
Sibinal
Sipacapa
Tacaná
Tajumulco
Tejutla

Referensias[trocar | trocar el manadero]

  1. [1] SEGUPLAN

Atamientos eksternos[trocar | trocar el manadero]


Repuvlika de Guatemala | Sivdad de Guatemala Bandyera de Guatemala
Departamentos Alta Verapaz | Basha Verapaz | Guatemala | Huehuetenango | Izabal | Petén | Quiché | San Marcos | Santa Rosa | Sacatepéquez | Zacapa