Sefarad

Sefarad es una banda de musika sefardi de la Turkiya. El grup es muy konosido i popular enel paez, déke kantan en djudeo-espanyol i en turkano. El su primér album yegó al tope de las chartes enel anyo 2004.

Orijin del su nombre

El nombre de la banda es el antiko nombre djudio para Espanya, ande vinieron los sefardim i el lashon djudeo-espanyol.

Myémbros

Los myémbros del grup son:

• Sami Levi (kantadero)- nasido en Estambol el 13 de Avril de 1981 i edukado en la eskola Göztepe Lisesi.
• Cem Stamati (gitara basha) - nasido en Estambol el 21 de Jenero de 1981i graduado de la eskola djudia Ulus Özel Musevi Lisesi, estudiante de la Anadolu Üniversitesi i lavora en Zenithmedia Turkey komo Espesialista de Dezvelopamyento de Bisnes.
• Ceki Benşuşe (gitara)- nasido en Estambol el 19de Djulio de 1980 i graduado enel anyo 1999 de la eskola djudia de la sivdad, Ulus Özel Musevi Lisesi. Empiesó kon "Loş Paşaroz Sefaradis".

Enfluensias musikalas

La musika de Sefarad sige el estil de Goran Bregovic, kon los sonetes de klarinete, kanun, trumpetas i darbuka tipikos de la musika turkana, los kualos azen de la su musika loke se yama Musika djudia etnika. Las sus kantikas son en lingua turkana i en Ladino, ma kon el buto de azer la musika para la djenerasion mueva de sefardim de la Turkya, kantan kantikas tradisionalas djudias en turkano, má kon letras diferentes. I las sus kantikas en djudeo-espanyol son kantikas djovenes, para mansevos, sin el korasón trublado, má afilú yeno de alegriya.

Entre las sus kansiones má konosidas estan "Osman Ağa", "Istanbul'dan Üsküdar'a Yol Gider", "Bodrum", "Ben seni severim", "Los Bilbilikos", "Vakti geldi", "Si veriyas a la rana", "Los Kaminos de Sirkeci" i "Seni ne çok sevdiğimi".

Diskografiya

• Sefarad (2003)
• Sefarad II (2005)
• Evvel Zaman ("Antes del tyémpo", 2007)

Ver endemas

• Musika Sefardi
• Musika de la Turkiya

Enlasos eksternos

• Pajina web ofisial del grupo