Sentro de Estudios Sefardis de Caracas

Un artíkolo de la Vikipedya, la ansiklopedya líbera
Ir a la navegación Ir a la búsqueda

El Sentro de Estudios Sefardis de Caracas (SESC) es una institusiyon kulturala la kuala konforma parte de la Asosiasion Yisraeliana de Venezuela (AYV), organisasiyon ke agrupa a la komunita djudia sefardi del paez. La idea prinsipala tras de la kriasiyon de este instituto es la proteksiyon, promosiyon i la abediguasiyon de la erensia sefardí en Venezuela[1] y en tuda Amerika Latina en jeneral. El Sentro de Estudios Sefardis de Caracas fue kriado el 9 de Djunio de 1980, afiklú empesó formalmente las sus activitás el 1° de Djunio de 1982 komo inisiativa del Dr. Moisés Garzón Serfaty [2].

Aktivitás[trocar | trocar el manadero]

El Sentro de Estudios Sefardis de Karakas organisa aktivitás para ayudar a amijorar el konosimyénto i la abediguasiyon de la kultura sefardi i las sus linguas, espesialmente la haketia[3] deke la majorita de la komunita sefardi de Venezuela es de orijin marroki; komo por egzemplo, endjunto a la Asosiasion Yisraeliana de Venezuela edita i publika el magazín MAGUÉN-ESCUDO, desde el anyo 1970 (kuando antonses sólu lo asiya la AYV) en la kuala se da a konoser i promosiona la erensia sefardi en el paez i en la rejion. Endemas, el Sentro organisa i finansia periódikamente kontestos literarios, seminarios, konsertos, lisiones i simposios sovre temas ke tienen menester kon la aktualitá de la istorya i la kultura sefardi; alkunos de estos evenementos, komo la Semana Sefardí de Karakas, selebrada endjunto kon las ambasadas de Espanya, Israel, Marroko i Bulgaria en Caracas, payizes ande la komunita sefardí a tinido una istorya i trayektoria konosida, rikonosida i notavel. Enel anyo 2009 se firmó un akódro entre el Sentro de Estudios Sefardis de Karakas, la Fondasiyon para la Preservasiyon del Patrimonio Ebreo de Falcón i la Constructora Sambil para restorar el betahayim djudio mas antiko de las Amerikas, el Betahayim de Coro[4]


El Muzeyo Sefardi de Karakas "Morris E. Curiel", otra institusiyon la kuala pertenese a la komunita djudia de Venezuela, fue kriado enel año 1999 shukur a una inisiativa de SESC i la Asosiasion Yisraeliana de Venezuela.

Direktores[trocar | trocar el manadero]

  • Jacob Carciente (1982-2000)
  • Moisés Garzón Serfaty (2000-2005)
  • Abraham Levy Benshimol (2005-2007)
  • Amram Cohén Pariente (2007-2009)
  • Miriam Harrar[5] (2009 - )

Referensias[trocar | trocar el manadero]

  1. Abraham Levy Benshimol en konversasiyon kon Ivonne Attas. Gentiuno.com (en lingua kastilyana)
  2. El CESC (en lingua kastilyana)
  3. Haketía: El Djudeo-Espagnol de la Afrika del Nord. Yaakov Bentolila. Universita Ben Gurion del Negev
  4. Van restorar el Betahayim de Coro. Semanario "Nuevo Mundo Israelita". Caracas, Setiembre de 2009 (en lingua kastilyana)
  5. Miriam Harrar de Bierman asume la Presidencia del Centro de Estudios Sefardíes de Caracas. Nuevo Mundo Israelita

Atamientos eksternos[trocar | trocar el manadero]


Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.