Tahounia Rubel

Un artíkolo de la Vikipedya, la ansiklopedya líbera
Ir a la navegación Ir a la búsqueda
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Tahounia Rubel in 2014.

Tahounia Rubel (en ivrit: טהוניה רובל; en amariko: ትሁኒ ሩቤል), algunas vezes eskrito Tahuonia o Tahunia; nasida el 20 de Fevrero de 1988) es una modelo israeliana nasida en Etiopia i personalitad de televizyon. Es konosida por ser a primera persona de orijin etiopiko en reushitar AAh aGadol (la versiyon israeliana de Big Brother), en la sinkena temporada,[1] i en reushitar un konkorso de ermozura en Israel.

Biografiya[trocar | trocar el manadero]

Tahounia Rubel nasio en Gondar, Etiopia. El su nombre es derivado del biervo ke sinyifika en amariko "kedarse por un tiempo lungo". Rubel yego a Israel kon la su famiya kuando eya era de edad de 3 anyos, durante la Operasion Shelomo. Lavoro komo maestra de shofores en la division de Lojistika de las Huersas de Defensa de Israel. Mientres ke azia el su servis en la armada, eskapo 12 anyos de edukasion basika.

En 2012, Rubel viajo verso Londra, ande bivio en una kaza kon otras modelos i lavoro en kampanyas de las entreprisas Sleek Makeup, MAC Cosmetics i Diesel para la revista Glamour. Endemas, es yamada la version manseva de Iman.[2] Esta anyada, reushito enel konkorso de ermozura "The Israeli Supermodel", el kualo izo de eya la primera israeliana de orijin etiopiko en reushitar un konkorso de ermozura. Izo parte enel konkorso World Supermodel en Fidji.

En 2013, Rubel reushito en la sinkena temporada de HaAh HaGadol (la versiyon israelinaa de Big Brother) i aresivio un milyon de shekels israelianos.[1][3] Roni Maili, otro de los ke apartenian al konkorso, era arrondjado por la su agresivitad, aziendo munchas vezes komentarios razistas en kontro de eya.[4][5]

En Sietembre de 2013, Rubel izo parte de un evenemento para la televzyon de Latet en Kanal 2 kon el buto de reunir paras para sedaka, i era endemas eskojida para dar la su voz a una imej animada en un spot de TV para el dulse Klik de la entreprisa Unilever.En Oktobre de esta anyada, 2013, Rubel era konvidada, endjunto kon la su famiya, ala kaza del prezidente de Israel, ande el prezidente Shimon Peres tenia un evenemento en onor de los Djudios de Etiopia, ke fiestavan Sigd ese diya. Este mes endemas, kando la kantika de Eyal Golan Kol aHalomot (ivrit: כל החלומות, "Todos los es.huenyos") enel programa de la TV israeliana AKohav aBa (la version israeliana de Rising Star).

Galit Gutman lavoro en la produksion de un filmo dokumentario de 45 minutos ensima de la istorya de Rubel, Tahounia - By Herself, el kualo amostra los momentos mas privados durante ocho mezes, i enel filmo eya avla ensima de la su chikez zor, fina el momento kuando aze parte de AAh aGadol. El filmo era amostrado el 15 de Mayo de 2014 enel Kanal 2, i era ojado por un total de 611.300 usadores i yego a ser el doseno programa de TV mas ojado de ese diya. Unos diyas diskues de este, el filmo era amostrado en Evropa i Estados Unidos enel kanal de satelit Israeli Network.[6]

Ver endemas[trocar | trocar el manadero]

Referensias[trocar | trocar el manadero]

Atamientos eksternos[trocar | trocar el manadero]