Tramvay

de Vikipedya, la ansiklopedya líbera
Saltar a: navigación, buxcar

Un tramvay o tréno lijero es un tréno chiko, kon menos karosas (entre tres i sesh) i muncho menos pishín, el kualo esta desinyado para transportar djente en las kalejas de la sivdad, las kualas tienen una via espesiala ke esta konstruyida dentro de la misma kaleja. Se presisa ke preste servis kon menos prestor ke un tréno, deké viaja por las kalejas del mismo modo ke un otobus, las arabás i el resto del trafik de una sivdad.

Sarajevo fue la priméra sivdad en Evropa kon un servis todo el diya de tramvay elektriko.

En las sivdades de Evropa Oksidentala, Oryentala i la Antika Union Sovyetika, es komun ver el tramvay komo midio de transporto, i ainda estan aparesiendo má sivdades Evopeas kon tramvay.[1] En los Estatos Unitos i Kanada no es tan konosido deké la kultura de estos paezes esta oryentada al uzo de la arabá, ulai deké el presio de la benzin es má barato. Ma afilú en alkunas sivdades de los Estatos Unitos se esta empiesando a uzar, konosiendo ya la su emportansia en kuanto al enchikesimyénto de la kontaminasion del ayre en las grandes sivdades. El tramvay fonksiona kon enerjiya elektrika i por este no produze umo komo el otobus, las motosikletas, la arabá o kualker otro midio de transporto kon motor de benzin o diesel (kombustion enterna). Anke en los sus empesijos, el tramvay se uzaba kon kabayos.

Jeneralmente el tramvay se uza komo un otobus, kon paradas espesialas en la kaleja, anke a vezes uza las mismas paradas del otobus. Endemas es komun ver ke el tramvay uze una via separada dentro de la misma kaleja, la kuala separa al tramvay del kusúr del trafik. Este aze ke el tramvay pueda viajar un poko má pishín.

Sivdades ke uzan tramvay[trocar | editar código]

Amerika[trocar | editar código]


Afrika[trocar | editar código]

Asya[trocar | editar código]

Evropa[trocar | editar código]

Oseaniya[trocar | editar código]

Kompanyias ke desinyan i fabrikan tramvays[trocar | editar código]


Referensias[trocar | editar código]

  1. Jeffrey Spivak: Streetcars are back from Landscape Architecture Department, UC Davis. Retrieved 10 February 2009.

Ver endemas[trocar | editar código]

Enlasos eksternos[trocar | editar código]

Commons-logo.svg
Wikimedia Commons alberga kontenido multimedia sovre Tramvay