Berlin

de Vikipedya, la ansiklopedya líbera
Saltar a: navigación, buxcar
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.


Berlin
בארלין

Bandyera de Berlinבארלין Escudo de Berlinבארלין
Berlin Montage 4.jpg
Paiz Flag of Germany.svg Almania
Pozision 52°30′2″N 13°23′56″E
• Altura 34 m
Superfisie 891.85 km²
Povlasion 3.440.441 avi. (2010)
• Densidad 3.809 ab./km²
Djentilisio Berliner (Berlinez/a)
Alkalde Michael Müller, SPD
Pajina web http://www.berlin.de

Berlin es la sivdad mas grande i la kapitala de Almania, endemas de ser un estato (Land) ke aze parte de la federasion. Fina 1920 azía parte del estato de Brandenburgo, kuando se dechidió kriar komo un estato muevo.

El rio Spree krusa la sivdad, la kuala se topa a unos 70 Km de la frontiera kon Polonia; es la sivdad ma grande i avitada del payis, ansi komo una de las mas emportantes enel dezvelopamyento de la Union Evropea.

Berlin, una sivdad de la kuala se avla desde el syéklo XII, yegó a ser la kapitala del Reyno de Prusia i diskués del Imperio Alman, desde la unifikasion almana fina el fin de la Sigunda Gerra Mondiala. Desde 1945 fina 1946, la sivdad fue partajada en katro rejiones okupadas por las huérsas militares de los Aliados. Enel anyo 1949, la mnueva Almania Oksidentala dechidió azer de Bonn su sivdad kapitala i la Repuvlika Demokratika Almana izo al sektor oryental de la sivdad de Berlin la su kapitala. Enel anyo 1990, diskués de la Reunifikasion de Almania, todos los puederes del governo ke se topavan en Bonn se trokaron a Berlin.

La sivdad es una de las metropolis mas emportantes de Evropa, espesialmente en la kultura, la sensia, los medios de komunikasion i por dirito propio, en la politika evropea. Endemas tiene grande dezvelopamyento industrial, ma en akeyas industrias de alta teknolojiya, komo las telekomunikasiones, la optiko-elektronika, las teknolojiyas de la informasion i la komunikasion, la industria del otomobil i la bioteknolojiya. Endemas, tiene munchos muzeyos, universitas i orkestas.

Sivdades ermanadas[trocar | Trocar el manadero]

Referensias[trocar | Trocar el manadero]

  1. Miasta partnerskie Warszawy. Biuro Promocji Miasta