Vikipedya:Kómo meldar i eskrivir (por los Hispanohablantes)

Un artíkolo de la Vikipedya, la ansiklopedya líbera
Ir a la navegación Ir a la búsqueda

La Ortografía Fonémica Escogida es una ortografía ibérica que en principio es la meçcla de los ortografías españolas antiguas y modernas. Su alfabeto es el alfabeto del Español Moderno (Castilyano) ma una letra (w) manca y dos letras demasías (jh y xh).

Alfabeto[trocar el manadero]

A (a) B (be) C (ce) CH (che) D (de) E (e) F (efe) G (ge) H (hache) I (i) J (jota) JH (jha) K (ka) L (ele) LL (elle) M (eme) N (ene) Ñ (eñe) O (o) P (pe) Q (cu) R (ere) S (eśe) T (te) U (u) V (uve) X (exe) XH (ixh) Y (i grega) Z (zeta)

Puntos Diferentes Con el Español Moderno[trocar el manadero]

B y V[trocar el manadero]

Oy en día, el Castilyano tiene "b" y "v", solamente por razones etimológicos. Porque no quedó una diferencia entre dos prenunciaciones.

Ma en Judeo-Español las prenunciaciones de "b" y "v" son diferentes.

La letra "v" (uve) siempre tiene el sonido de "v" (como en Inglés o Francés). Y cada vez que en Castilyano se usa "v" también se usa "v" en Judeo-Español salvo en una condición: El Castilyano escoge a escribir "b" o "v" asegún la etimología latina y no española. Ma en Español Antiguo, algunas "v" latinas tornaron en "b". El Judeo-Español daínda está guardando estas "b"s:

  • Bivir (vivir)
  • Bolar (volar)
  • Aboltar (volver)
  • Bivo (vivo)
  • Boz (voz)
  • Biervo (del Latin Verbum: Palabra)
  • Bivdo (viudo)

En otros biervos se usa el "v": Ventana, Uva, Ver etc...


La letra "b" en Judeo-Español, representa la fonema /b/ que tiene dos alófonos (sonidos).

  • En empecijo del biervo o del raíz y
  • En grupos de;
    • ab-
    • ob-
    • -mb-
    • -obl-
    • -rb-

se melda "b".

Por enxemplo:

  • Bueno, Bien, Burraquito, Bailar, Debaxo
  • Abastar, Abaxo
  • Obseción
  • Palomba, Lamber, Ombre, Ombro, Nombre, Embiar
  • Problema, Doblar,
  • Barbuña, Verbo, Proverbio...


Ma en todo otro cavso se melda como la letra "v":

Escribir, Laborar, Hablar, Alfabeto, Aprobar, Subir, Culebra, Alabar, Saber etc...


Éste parece al Castilyano en que la letra "b" también tiene dos alófonos en Castilyano: "b" y "β" (entre b y v). Ma en Castilyano dizen "Ke βweno" (¡Qué bueno!). En Judeo-Español éste nunca acontece porque bueno siempre se prenuncia "bweno" y nunca "vweno".


¿De qué no usar "v" en lugares ánde b se melda v?

Se pudía escribir escrivir, lavorar, havlar, alfaveto, aprovar, suvir, culevra, alavar, saver etc...

Ma aquí preferamos la etimología que la prenunciación (salvo después de "r"). ¿De qué? Por las razones venideras:

  1. El Judeo-Español en su istora entera nunca tuvo el sonido de "b" en lugares ande "b" se melda "v", salvo en algunos poquitos biervos ajenos, los cualos rendemos con "bb": Xabbat (Shabat), Libbero (Libero) (del Italiano: Libero) etc...
  2. Como entre 1850s y 1940s el Judeo-Español se frankeó debaxo la influença del Francés, oy debaxo de la influença del Castilyano (Español Moderno) se está "ispanizando" tomando biervos del Castilyano. En esta ispanizasyon munchos yerros y muncho daño viene al J.E. (Judeo_Español) del no saber que el -b- es un sonido de "v". Ansí dizen "lavorar" ma "colaborar" y dizen "ivrit" ma "ebreo" etc...
  3. Por estas razones es muy menesteroso de establecer de nuevo la fonema /b/ que empeçó a desparecer en los últimos 30-40 años.
  4. Y ansí, también todo el mundo ispanohablante se puede comunicar más liviano.

C y Z[trocar el manadero]

En frente de -a, -o y -u la "c" se melda "k" como en Castilyano.

La "z" y en frente de -e e -i la "c" suena el mismo oy en España (θ) o (s).

Cale saber que antes estas letras eran dos sonidos completamente diferentes:

Dependiendo del lugar, la "c" (o "ç" antes de -a, -o y - u) se prenunciaba (ts) o (s)

y la "z" se prenunciaba (dz) o (z).

Oy el J.E persigue la misma fonología:

  • En el dialecto del Occidente (Bosnia y Herzegovina, Makodenia, Romania, Serbia, Bulgaria del Oeste y una parte de Grecia) "c" o "ç" da el sonido de (ts) y "z" da el sonido de (dz)
  • En el dialecto del Oriente (Turquía, Bulgaria del Este, Saloniki y Isla de Rodos) "c" o "ç" da el sonido de (s) y "z" da el sonido de (z)

Ansí:

  • ça: (sa) o (tsa)
  • ce: (se) o (tse)
  • ci: (si) o (tsi)
  • ço: (so) o (tso)
  • çu: (su) o (tsu)

y

  • za: (za) o (dza)
  • ze: (ze) o (dze)
  • zi: (zi) o (dzi)
  • zo: (zo) o (dzo)
  • zu: (zu) o (dzu)

Como oy la más muncho de los hablantes son Turcanos, se pensa en general que en el J.E. siempre se seśea y ansí no escriben "çapato" ma "sapato" y no "coraçón" ma "korason".

Ésto no es bueno.

H[trocar el manadero]

En Castilyano la "h" se usa en tres situaciones:

  1. Cuando El Latín tiene un "h" que se deperdió con el tiempo: Haber, Hay, Herencia...
  2. Cuando el biervo tenía un "f" antes y esta "f" no se melda más: Hazer, Hermano, Hijo...
  3. Cuando un biervo empeça con -ue (el sonido "we") (originalmente "o" ma tornó en "ue"): Huerta, Huevo...

Ma en J.E. el primero no es menesteroso por prenunciación sino por etimología. Y si la usamos por razones istóricos se puede muy facilmente confundir con el segundo.

En J.E. la "h" se usa en DOS situaciones:

  1. Cuando el biervo tenía un "f" antes y esta "f" no se melda más: Hazer, Hermano, Hijo...
  2. Cuando un biervo empeça con -ue (el sonido "we" o "γwe"): Huerta, Huevo...

Ansí: Hazer se puede meldar (azer) o (fazer) asegún el dialecto y Huerta se puede meldar (werta) o (güerta) asegún el dialecto.