Yair Lapid

Un artíkolo de la Vikipedya, la ansiklopedya líbera
Yair Lapid en 2022.

Yair Lapid (en ivrit יאיר לפיד), nasido el 5 de Novembro de 1963 en Tel Aviv, es un eskritor, djornalista i apresentador de TV yisraeli. Yair Lapid es el aktual Primér Ministro de Israel del anyo 2022.

El es ijo del politiko Yosef (Tommy) Lapid i la eskritora Shulamit Lapid. Esta kazado kon la djornalista Lihi Lapid, la kuala el konosió durante el su miluim en la armada yisraeli. Lapid empiesó la su karriera profisional komo korresponsalo militar para la revista de la Tzavá Ba-Mahane ("En el kampo"), i eskribiendo para el djornal Ma'ariv. Enel anyo 1988, el fue nombrado editor de un djornal de la sivdad de Tel Aviv el kualo era parte del grupo Yediot Ahronot. Enel anyo 1991, el empiesó a eskribir una kolona settimanal en una revista de publikasiyon nasional, al empiese para la del djornal Ma'ariv i dempués para el del su kompetidor, Yediot Ahronot.

La su karriera dempues se iva ekstender a la television. Enel anyo 1994 el empiesó a ser el apresentador del prinsipal programa de entrevistas del Kanal 1 i ese mismo anyo tambien iva aktuar en un filmo yisraeli, “El kante de la sirena” Dempués el fue el apresentador de otro programa en el Kanal 3, i desde el anyo 1999 es el apresentador de un programa en Arutz 2. El es el autor de 7 livros i endemas eskrivió una serie de drama yamada "Sala de Gerra", ke fue transmitida por el kanal Arutz 2 enel anyo 2004. En Jenero del anyo 2008, Yair Lapid empiesó a apresentar el programa de notisias del kanal 2, Ulpan Shishi. En este anyo mismo, la su priméra eskritura para teatro, "La edad djústa para el amor", ke fue apresentada en el teatro HaKameri, en Tel Aviv.

Bibliografiya[trocar | trocar el manadero]

  • La dubla kavesa (1989)
  • La Solombra de Yoav (1992) (livro para ninyos)
  • Akto de un sólu ombre (1993)
  • Alby – La Istorya de un Kavayero (1998) (livro para ninyos)
  • La Seksta endevína (2001)
  • Kontuando en una sirá (2005) (koleksiyón de artikolos de su kolona)
  • La Sigunda Mujer (2006)
  • Atardeser en Moskú(2007)

Atamientos eksternos[trocar | trocar el manadero]