Yasmina Reza

Un artíkolo de la Vikipedya, la ansiklopedya líbera
Ir a la navegación Ir a la búsqueda
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Yasmina Reza en 2016.

Yasmina Reza (Nantes, 1 de May de 1959)​ es una eskritora i aktrisa franseza, konosida por las sus ovras "Art" i "Le Dieu du Carnage". La majorita de las sus ovras estan eskritas ensima de la klasa media de la sosyste aktuala.

Biografiya[trocar | trocar el manadero]

Orijin[trocar | trocar el manadero]

Reza nasio el 1 de May de 1959 en Nantes, Fransia, ija de un enjeniero, komersante i tanyedor de piano buhariano[1] nasido en Mosku[2] i la su madre era una tanyedora de violin djudia de Madjaristan nasida en Budapesht.[3] Durante la Segunda gerra Mondiala, el su padre era echado de Nisa i yevado al kampamento de Drancy.[4]

Kariera[trocar | trocar el manadero]

Ambezo sosyolojiya i teatro en la Universita de Paris X Nanterre. Kuando prinsipio la su kariera, lavoro komo aktrisa en algunas ovras de teatro de otors muevos, ansina komo en ovras klasikas de Molière i Marivaux.

El empesijo de la su kariera komo eskritora era en 1987, kuando eskrivio Conversations après un enterrement (Lakirdi diskues de un enterramyento) la kuala aresivio el Premio Molière, el premio fransez ekivalente al Premio Tony del teatro amerikano. Diskues, treslado La Metamorfosis de Franza Kafka para el mudur de sinema Roman Polanski, kon la kuala era nomiada al Premio Molière por la tresladasion de la anyada. Kon la su dosena ovra, La Traversée de l'hiver (El viaje del inuerno) aresivio el Premio Molière. La su tresera ovra para teatro, L'Homme du hasard (El ombre del azardo) reusho en munchos payises. Kon la su ovra Art (Arte) aresivio otro Premio Molière kon muncha reushita en Evropa i Amerika,[3] i era tresladada ala lingua ingleza i apresentada en Estados Unidos, ande aresivio un Premio Tony katro anyos diskues, en 1998; era tresladada a 35 linguas en total[2]. En 1997 eskrivio la romansa Hammerklavier i kon la kuala aresivio un premio de la Akademia Franseza.

En 2007, abolto kon una mueva reushita, Le dieu du carnage, la kuala era echa filmo por Roman Polanski en 2011, kon los aktores Jodie Foster, Kate Winslet, John C. Reilly i Christoph Waltz. Aresivio un Premio Tony en 2009 por esta ovra. La su romansa de 2016, Babylone, aresivio el Premio Renaudot.

Famiya[trocar | trocar el manadero]

Tiene una ija, nasida en 1988 i un ijo nasido en 1993.

Ovras[trocar | trocar el manadero]

Direktora de Sinema[trocar | trocar el manadero]

  • En 2009 dirijio el su primer filmo, Chicas, kon la aktrisa espanyola Carmen Maura como protagonista.

Aktrisa de Sinema[trocar | trocar el manadero]

Pies de Teatro[trocar | trocar el manadero]

Romansas[trocar | trocar el manadero]

Dialog para sinema[trocar | trocar el manadero]

Onores aresividos[trocar | trocar el manadero]

Referensias[trocar | trocar el manadero]

  1. The tears and laughter of Yasmina Reza’s lost Babylon. Times of Israel
  2. a b Yasmina Reza: 'Please stop laughing at me'. The Independent
  3. a b Jews on stage: Broadway bound. Cleveland Jewish News
  4. Between Sarkozy and Sarcasm: Playwright Yasmina Reza on What Makes a Person Powerful. Haaretz
  5. Yasmina Reza erhält WELT-Literaturpreis 2005 für ihr Lebenswerk. Buch Markt
  6. Le prix Goncourt est décerné à Leïla Slimani. Le Monde
  7. Book Review: ‘Babylon’ by Yasmina Reza