Yusra Mardini
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Yusra Mardini (arabi: يسرى مارديني, nasida el 5 de Marso de 1998) es una nadadora arami ke bive en Berlin, Almania i ke izo parte del ekip de esportistas arefujiados ke partisiparon en las kompetensas uzando la bandiera olimpika en los Djuegos Olimpikos de 2016 en Rio de Janeiro, Brasil.[1]
Biografiya[trocar | trocar el manadero]
Yusra nasio i kresio en Damask,[2] ande treinava natasion kon el suporte del Komite Olimpiko de Suria. En 2012, izo parte del ekip del su payis en los Shampionatos Mondialos de Natasion FINA en los 25 metros i 200 metros libbero.[3]
Gerra en Suria[trocar | trocar el manadero]
Durante la Gerra en Suria, la su kaza era bozeada; eya i la su ermana Sara dechidieron salir del payis en Ogusto de 2015. Arivaron a Libanon i diskues ala Turkiya, ande konsigieron tomar una nave kon otros 18 arifujiados, anke en la nave no puedian meter mas de 7 personas. Estando en la mar, el motor de la nave desho de fonksionar i la nave estava deskayesendo en la Mar Ejea, ma Mardini, endjunto kon otras dos personas ke tambien savian nadar, se echaron ala mar i arempusharon la nave unas tres oras, fina ke arivaron ala isola de Lesbos en Yavan. Diskues, viajaron por Evropa i arivaron a Almania, ande dechidieron kedarse en sietembre de 2015, ande bive kon los sus padres, ke salieron de Suria diskues de eyas.[4]
Kariera esportiva[trocar | trocar el manadero]
Diskues de arivar a Berlin, Mardini era konvidada para treinar kon Wasserfreunde Spandau 04,[5] kon la esperansa de klasifikar para los Djuegos Olimpikos.[6][7] Anke ainda no tenia seguransa de pueder partisipar en los Djuegos Olimpikos, el Komite Olimpiko Internasional dechidio oferir a eya i otros arefujiados el dirito de kompetir enel Ekip Internasional de Arifujiados,[8] para nada en 100 metros libbero i 100 metros papiyon,[9] ande eskapo enel lugar 41 de 45 nadadoras.[10]
Referensias[trocar | trocar el manadero]
- ↑ Swimmer Yusra Mardini hopes to compete at Rio Games for refugee squad in hopes of inspiring other Syrians. The Toronto Star (en lingua inglesa)
- ↑ FROM WAR-TORN SYRIA TO OLYMPIC SWIMMER. Elle (en lingua inglesa)
- ↑ The inspirational Olympic journey of refugee swimmer Yusra Mardini. Djuegos Olimpikos (en lingua inglesa)
- ↑ Refugee swimmer Yusra Mardini gets a chance to go the Olympic Games. SwimSwam (en lingua inglesa)
- ↑ Syrian Refugee Who Swam to Greece Sets Sights on Olympics. (en lingua inglesa)
- ↑ From Syria to Rio: refugee Yusra Mardini targets Olympic swimming spot. The Guardian (en lingua inglesa)
- ↑ After Surviving Aegean Sea, Syrian Swimmer Hopes For Spot In Olympics. NPR.org (en lingua inglesa)
- ↑ Yusra Mardini among 10 picked by IOC to form refugee team for Rio. ESPN (en lingua inglesa)
- ↑ She Swam to Escape Syria. Now She’ll Swim in Rio. New York Times (en lingua inglesa)
- ↑ Refugee swimmer Yusra Mardini just won her heat at the Olympics, quartz.com (en lingua inglesa)
