Alaha

de Vikipedya, la ansiklopedya líbera
Saltar a: navigación, buxcar

La Alaha (en ivrit הלכה) es el kondjunto de las prinsipalas leyes djudias, el kualo inklui las 613 mitsvot i endemas las leyes de la Gemara i de muestros hahamim, ansina komo las tradisiones i kostumbres. En lingua kastilyana es konosida komo "ley djudia".

Komo las otras leyes en otras kulturas, el djudaismo no aze diferensias entre la vida relijioza i la vida no relijioza. Por esto, la Alaha es uzada komo egzempio i gia a sigir para las kreensias i aksiones relijiozas, ansina komo endemas la vida kotidiana. Kada komunita komple las leyes de la Alaha d'akódro kon las sus tradisiones i tendensias; las komunitas ortodoksas bushkan komplir la Alaha kompletamente, mientres ke los konservadores son menos estriktos, ma no sinyifika ke no tiene emportansia para eyos. Para los djudios reformistas la Alaha es una emportante gia, ma no es pero no es una ovligasion komplirla. Endemas,egzisten grupos komo los karaitas, o los djudios etíopes o Beta Israel ke tienen una vision relijioza diferente (no es el djudaismo rabiniko tradisional) i los kualos akseptan otras interpretasiones.


Ikono de esbozo

Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.