Apaxco

Kale revizar este artikolo
Un artíkolo de la Vikipedya, la ansiklopedya líbera

     
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Apaxco
אפאקסקו

Escudo de armas de Apaxco אפאקסקו
Paiz  Meksiko
Estado  Meksiko
Rejion Rejion Zumpango
Kavesera Apaxco de Ocampo
Fondasion 16 de Ochobre de 1870
Superfisia 75.73 km²
Altura 2220 m.
Povlasion 27 521 mor. (2010)
Alkalde Jesús Ramirez Parra
Djentilisio {{{djentilisio}}}
Kodigo 15010
Lokalidades
Hoja web

 

Apaxco es uno delos 7 belediyes de la Rejion Zumpango i uno delos 125 belediyes del Estado de Meksiko, en la Repuvlika Meksikana. La povlasion del belediye es de 27 521 moradores. La kavesera es el kazal de Apaxco de Ocampo, es la lokalidad mas povlada del belediye; endemas aze frontiera kon el estado de Hidalgo i kolinda kon los belediyes de Tequixquiac i Hueypoxtla.[1]

El territorio de Apaxco, antikaente pertesio a una komarka yamada Teotlalpan por los aztekos, fue ayi ande se topava el vilayet de Huipuchtlan ande rekolektavan tributos para los meksikanos de Tenochtitlan. Apaxco fue fundado por chichimekos i pertenesio al korrejimiento de Zitlaltepec, enjuntamente kon Tequixquiac. El belediye de Apaxco fue fondado el 16 de ocobre de 1870 i fue partajado del antiko belediye de Tequixquiac. Komenzo una freska aktividad industrioza kon las pedreras i kaleras, denantes de la revolusion armada de 1910.

Es uno delos belediyes industriozos dela rejion Zumpango, es dentro de la Kuenka del Ormigon, aki se aze el ormigon, la kalidra i las pedreras para el fraguado, kaji todo va azia la Sivdad de Meksiko i la Zona Metropolitana, ma tambien ay importasion de ormigon azia Evropa, purke HOLCIM, la industria de ormigon afinkada en Apaxco, es una idustria de orijin suiza. Es un belediye frontierizo, bien konektado por grandes estradas rejionalas entre el estado de Meksiko i el estado de Hidalgo.

Etimolojia[trocar | trocar el manadero]

Apaxco, en lingua orijinaria sinyifika Lugar de kuenko de agua, el orijen del biervo en lingua nahuatl es apatztli (kuenko) i -co (lugar), deriva de una aglutinasion de palavras, siendo el su nombre antiko, Apatzco. Endemas ay otras formas eskritas i meldadas komo Apasco.

Asegun, el nombre deriva por un krater natural topado dentro del kazal, yamado El hoyo, un grande kuenko ande las aguas dela luvia se eskurren, razon por lo que los nahuatlakas nombraron al fundar el altepetl (kazal).

Istoria[trocar | trocar el manadero]

Los primeros umanos ke moraron en la rejion datan de 5000 a.K, los sus objetos i lavoros kedaron dibujados en las piedras de los montes. Esta rejion hue avitada por favna komo cuvieronius,[2] eran vayes rodeados por serraladas (Serralada de Tetzontlalpan y Serralada de Tepotzotlán), tambien hue morado por mamutes, gliptodontes, entre otros grandes animales preistorikos.

Pajina Xl del Kodixe Boturuni, durante la peregrinasion de los aztekos.

Los primeros avitantes hueron los nonos delos Otomis. Los moradores del kazal de Apaxco eran relasionados kon la sivilizasion de Teotihuacán, asta el dia de la kayida entre 650 y 900 d.K, dempues el kazal hue dominado por los Toltekos, una sivilizasion nahua ke afinko vizinansas al kazal de Apaxco.

En el ayo 1215, durante la peregrinasion azia la sivdad prometida de los aztekos, Apaxco hue el lugar ande selebraron el segundo fuego muevo en denantes de seguir el su kamino azia el sud, rumbo a Ecatepec, finalizando su lungo peregrinar en las rivieras del lago de Texcoco.

Kon el asenso al poder de los aztecos, la rejión de Apaxco i todos lso kazales vizinos kedaron sometidos al governo de Tlacopan, uno de los miembros dela Tripla Alianza. Apaxco permanesió a una posesión dentro de la rejion dela Teotlalpan, antiko territorio delos tepanekos.

Jeografia[trocar | trocar el manadero]

Apaxco topa al norte del estado, konta kon una superfisie de 75.73 km² de territorio. La kavesa del belediye es Apaxco de Ocampo i se topa al norte kon el Estado de Hidalgo (beleyides de Atitalaquia i Atotonilco de Tula), al sud kon Tequixquiac, al este kon Hueypoxtla i al oeste ay frontiera kon el Estado de Hidalgo (beleyide de Atotonilco de Tula). [3]

Klima[trocar | trocar el manadero]

En el belediye de Apaxco, ay un klima templado sub-humido bastante agradavle a pesar de ser un lugar seko ande muchiguan los kaktos. El mayor kalor es en los mezes de Mayo azta Agosto, en invierno kaji no ay luvias, anke la temperatura abasha azta 5 grados arriva de zero.

Governo i administrasion[trocar | trocar el manadero]

Alkaldia del belediye de Apaxco.

La otoridad del belediye mas emportante es representada por la munisipalidad de Apaxco, huersa de governo lokalo elejido por votasiones ke emiten los sivdadanos mayores de 18 anyos de edad.

Alkalde Periodo
Jorge Alberto Romero Martínez 2000-2003
Guadalupe Hernández Méndez 2003-2006
Daniel Parra Ángeles 2006-2009
Ignacio Cruz García 2009-2012
Daniel Parra Ángeles 2012-2015
Jesús Cruz Parra 2015-2018

Demografia[trocar | trocar el manadero]

Lokalidades[trocar | trocar el manadero]

Lokalidad Povlasion
Total del Beleyide 33,080
Apaxco de Ocampo 25,430
Santa María Apaxco 6,466
Pérez de Galeana 1,248
Coyotillos 873

Kultura[trocar | trocar el manadero]

Muzeo arkeolojiko Apaxco.

El belediye konta kon un muzeo arkeolójiko yamado Muzeo Apaxco, lugar ande se muestra una kronolojia del lugar i la rejion, ay ayi piezas de las kulturas tolteka, teotihuakana, huasteka i azteka, ansina un sala de fotografias antikas i demostrasion de pintura.

El el mez de Oktuvre se selevran las Fyestas Franziskanas en onra al santo patron San Franzisko de Asis, es un fyestejo popular ke dura una semana de eventos kulturales, artistikos i relijiosos. Ansina esos dias ay muestras de danza, muzika i eksposiones de la industria del semento.

Espor[trocar | trocar el manadero]

El Hoyo, sentro esportivo de Apaxco de Ocampo.

La charreada es un espor antiko praktikado dentro del belediye, ansina munchos anyos atras. Siendo lugar de tierras sekas, la ganaderia desvelopo en este lugar, los charros hueron ombres kamperos, prinsipalmente krioyos o hazendados ke gustavan de las suertes a kavayo persiguiendo el Ganado, desde tiempos koloniales azta oyendia.

Otros esportes praktikados en Apaxco, zon el futbol, el basketbol, el voleibol, las karreras de bisikleta de montanya, la natasion, el atletismo, el fronton i el beisbol.

Ver endemas[trocar | trocar el manadero]

Referensias[trocar | trocar el manadero]

  1. Belediye de Apaxco (en lingua kastilyana)
  2. [1] pp.358.
  3. Belediye de Apaxco (en lingua kastilyana)

Atamientos eksternos[trocar | trocar el manadero]

Commons Wikimedia Commons alberga kontenido multimedia sovre Apaxco


Estado de Meksiko | Toluca de Lerdo Bandiera del estado de Meksiko
Belediyes Acambay | Acolman | Aculco | Almoloya de Alquisiras | Almoloya de Juárez | Almoloya del Río | Amanalco | Amatepec | Amecameca | Apaxco | Atenco | Atizapán | Atizapán de Zaragoza | Atlacomulco | Atlautla | Axapusco | Ayapango | Calimaya | Capulhuac | Chalco | Chapa de Mota | Chapultepec | Chiautla | Chicoloapan | Chiconcuac | Chimalhuacán | Coacalco de Berriozábal | Coatepec Harinas | Cocotitlán | Coyotepec | Cuautitlán | Cuautitlán Izcalli | Donato Guerra | Ecatepec de Morelos | Ecatzingo | El Oro | Huehuetoca | Hueypoxtla | Huixquilucan | Isidro Fabela | Ixtapaluca | Ixtapan de la Sal | Ixtapan del Oro | Ixtlahuaca | Jaltenco | Jilotepec | Jilotzingo | Jiquipilco | Jocotitlán | Joquicingo | Juchitepec | La Paz | Lerma | Luvianos | Malinalco | Melchor Ocampo | Metepec | Mexicaltzingo | Morelos | Naucalpan de Juárez | Nextlalpan | Nezahualcóyotl | Nicolás Romero | Nopaltepec | Ocoyoacac | Ocuilan | Otumba | Otzoloapan | Otzolotepec | Ozumba | Papalotla | Polotitlán | Rayón | San Antonio la Isla | San Felipe del Progreso | San José del Rincón | San Martín de las Pirámides | San Mateo Atenco | San Simón de Guerrero | Santo Tomás | Soyaniquilpan de Juárez | Sultepec | Tecámac | Tejupilco | Temamatla | Temascalapa | Temascalcingo | Temascaltepec | Temoaya | Tenancingo | Tenango del Aire | Tenango del Valle | Teoloyucan | Teotihuacán | Tepetlaoxtoc | Tepetlixpa | Tepotzotlán | Tequixquiac | Texcaltitlán | Texcalyacac | Texcoco | Tezoyuca | Tianguistenco | Timilpan | Tlalmanalco | Tlalnepantla de Baz | Tlatlaya | Toluca | Tonanitla | Tonatico | Tultepec | Tultitlán | Valle de Bravo | Valle de Chalco Solidaridad | Villa de Allende | Villa del Carbón | Villa Guerrero | Villa Victoria | Xalatlaco | Xonacatlán | Zacazonapan | Zacualpan | Zinacantepec | Zumpahuacán | Zumpango