Tequixquiac

Kale revizar este artikolo
Un artíkolo de la Vikipedya, la ansiklopedya líbera

     
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Tequixquiac
טיקיקסקיאק

Bandyera de Tequixquiac טיקיקסקיאק Escudo de armas de Tequixquiac טיקיקסקיאק
Paiz  Meksiko
Estado  Meksiko
Rejion Rejion Zumpango
Kavesera Santiago Tequixquiac
Fondasion 29 de Noviembre de 1820
Superfisia 122.32 km²
Altura 2100-2488 m.
Povlasion 33.907 mor. (2010)
Alkalde Salvador Raúl Vásquez Valencia
Djentilisio {{{djentilisio}}}
Kodigo 15096 (INEGI)
Lokalidades 13
Hoja web http://www.tequixquiac.gob.mx/

 

Tequixquiac (טיקיקסקיאק) es uno delos 7 belediyes de la Rejion Zumpango i uno delos 125 belediyes del Estado de Meksiko, enla Repuvlika Meksikana. La povlasion del belediye es de 33.907 moradores, asegun el senso del anyo 2010.[1] Tequixquiac kolinda kon los belediyes de Zumpango, Hueypoxtla, Apaxco i Huehuetoca, endemas aze frontiera kon el estado de Hidalgo. La kevesera del belediye es el kazal de Santiago Tequixquiac, es la lokalidad kon mayor povlasion; Tlapanaloya es la sigunda lokalidad en emportansia.

El belediye es afamado komo Kuna del arte preistoriko en Amerika porke aki se topo un gueso tayado kon kara de animal, yamado el Gueso sakro de Tequixquiac,[2] una ovra de arte preistoriko del kontinente de aze 14 000 anyos, ansina esta piesa amostra enrejistros topados de grandes animales del pleistoseno komo gameos, kavayos, yamas, mamutos i mastodontos en un lugar yamado El Tajo. El territorio del belediye, alkavo de munchos anyos atras fue parte de una antika rejion yamada la Teotlalpan por los aztekos, endenantes ayi ande moravan los otomis, un puevlo aborijinalo ke fue konkistado por los tepanekos; ensiguida se dio la konkista espanyola i el territorio fue apartajado en enkomiendas para los soldados evropeos ke ayudaron a Hernando Cortés en la konkista dela Sivdad de Meksiko i dela sivdad de Santiago de Querétaro.[aklaro nesesario]

Es uno delos primeros beleyides del paiz, fue fundado ofisialmente el 29 de Noviemvre 1820, basho la konstitusion de Kadiz; al kulminad la independensia de Meksiko pertenesio al partido de Tula, endeluego fue enjuntado al partido de Zumpango al kriarse el estado de Meksiko en 1824. Endemas aki se fraguo el Grande Tunel de Desague de la Sivdad de Meksiko, una ovra de injenyeria apresentada durante el governo de Virreynato de Mueva Espanya i akavada en el sieklo XIX, fue inagurada por Porfirio Díaz en el anyo de 1900, kien fuera el prezidente del paiz en akeyos anyos. Tequixquiac defendio la tyerra durante la Revolusion, la jente se enjunto al movimento zapatista, se partajo la tyerra en ejidos i tyerras komunalas; los moradores defendieron la tyerra i durante el sieklo XX el belediye se amostro siempre komo belediye ruralo.

Endagora es un belediye del norte del estado ande muchigua el komersio i la agrikultura, aki es emportante la Ekolojia, por eso la tyerra es kudiada para no ser afinkada sin orden; aki abashan las aguas del Vale de Meksiko, una buto para el ekilibrio ekolojiko, las disputasiones entre el governo del estado i el nifus zon huertes, los moradores defienden el kampo i el kultivo del maiz, anke algunas vezes las otoridades son embelesadas por espekuladores del suelo para agrandir los afinkamientos urbanos.

Etimolojia[trocar | trocar el manadero]

Tequixquiac, en lingua orijinaria la su sinyifikasion es Lugar de agua salitrosa, el orijin del biervo en lingua nahuatl es tequixquitl (salitre), atl (agua) i -c (lugar), ke deriva de una aglutinasion de tres palavras. Tequixquiac fue uno de los kazales mas antikos del paiz, la su fundasion data denantes dela konkista espanyola i el nombre ke aresive el belediye es el mesmo del sharfo kazal indijeno.

El glifo del Tequixquiac, es el prensipal sembol del belediye, es a la vez el eskudo dela munisipalidad, es enregistrado ofisialmente enel bando de polisia i buen governo, dentro del artikolo I.

Istoria[trocar | trocar el manadero]


Ikono de referensias
Ikono de referensias

Este artikolo o seksion nesesita referensias ke apareskan en una puvlikasion soportada.
Puedesh, akresentar o enkomendar al autor prinsipalo en la su hoja de diskusion. Mientres tanto, no kites este avizo.

Preistoria[trocar | trocar el manadero]

El Gueso Sakro topado en Tequixquiac, se konsidera una obra de arte preyistoriko.

Esta tyerra fue morada orijinalmente por los primeros ombres orijinarios de la Amerika. Grandes animales moravano aki komo mamut, glyptodonte o kavayo preistoriko, los ombres de la preistoria izieron erramentas antikas i kriaron arte preistoriko komo el afamado Gueso sakro de Tequixquiac, piesa de gueso de un koksis ande se tayo la kara de un animal kon forma de puerko o koyot.[3]

Periodo prekolombino[trocar | trocar el manadero]

Los primeros moradores de este territorio fueron grupos nomadas ke se dedikaron a la kasa, la rekolekta de frutos i la kriansa de animales komo konejos indianos i perros; en los bordes de los rios kultivose el maiz, frejol, kalavasa, tomat i pimiento. Tequixquiac fue paso obligado por munchas tribus mesoamerikanas komo olmekos, toltekos, chichimekos i aztekos.

Duante el esplendor tolteko, el serro Mesa Ahumada fue avitado, era un punto de vijilansia de diversos vales para mirad el paso de jente i tribus. Tambyen durante el esplendor de la sivdad de Teotihuacán, munchos kaminos kruzavan por Tequixquiac, para el yevar merkadurias asta la mitika sivdad.

Kon el kolapso de Tula Xicocotitlan, los Acolhuas del Vale de Meksiko invaden los puevlos de la rejión i fundaron la provinsia tepaneka de Teotlalpan, yamada ansi komo la tierra de los antikos o de los dioses, una zona semi-desertika kon muncha agua debasho de la tierra ande se topava povlada por djente de abla otomi i nahuatl. Estos avitantes de Teotlalpan eran yamados chichimekas kuando los aztekos konkistaron la rejion i sometieron a la jente a pagar tribute i merkar en elkazal de Hueypoxtla.

En el anyo de 1168, se funda el puevlo de Tequixquiac, el kualo kontava kon aproksimadamente 250 kazas espandidas al lungo i ancho de las kolinas serkanas. El kazal de Tequixquiac fue konkistado por los aztekos basho el governo de Chimalpopoca.

Mueva Espanya[trocar | trocar el manadero]

Puevlo de Tequixquiac en las Encomiendas, 1685.

En Coyoacán, Hernando Cortés sede enkomiendas a los sus soldados i se repartieron estas tierras de los natos otomis i aztekos ke antikamente formava parte de Teotlalpan, alkunos de los primeros espanyoles i portugezos ke kolonizaron deskues de la konkista de Tenochtitlan, aseguraron aki la su estansia en estas muevas tierras; dakeyos, alkunos eran de orijen sefaradis komo Jacomé de Aragon, enkomendero de Tlapanaloya.

El puevlo de Santiago Tequixquiac hue fundado por segonda okasion, el tlaxkalteko Fransisco de Tlaxintlale, ajijado de bautismo de Martín López, soldado de Hernando Cortez, es deklarado kasike fundador para poder mantener el kontrol de esta tierra de djente hostil.

Uno de los grandes projektos del paiz, asegun era desaguar las aguas del Vaye de Meksiko, era una demanda por los avitantes de la Sivdad de Meksiko durante el periodo colonial, visito la rejion el alman Alexander von de Humboldt i komuniko a las autoridades del virreynato ke el desnivel basho del vaye era ansina por Nochistongo i Tequixquiac.

Meksiko independiente[trocar | trocar el manadero]

Al termo de la gerra de independensia de Espanya, voltaran los sus trabajos del governo para kavar los tuneles de desague, Maximilian de Absburgo sedio la konsesion a empresas ekstranjeras, pero kontinuo la inestabilidad politika y Maximilian hue muerto en Santiago de Querétaro por orden del ejesito liberalo. Luego deskues el governo de Porfirio Diaz dio kontinuidad a la ovra grandel del tunel de Tequixquiac kon una empresa ingleza yamada.

En el anyo de 1826 se asigna el primero alkalde dela munisipalidad, i se akodra en la parrokia de Santiago Apostol, unirse al partido de Zumpango, dentro del nasido estado de Meksiko. Los puevlos kedaron desprotejidos i los kaminos eran asechados por bandidos y asaltantes, antikamente al ejersito real espanyol tenyia protejidos los kaminos reales ke kruzavan por los puevlos, pero el belediye tuvo ke pedir ayudo al muevo governo de Meksiko para kustodiar los sharfos kaminos i a los morantes.

El pulke, era una bevida fermetanda de agave, ke sabian produsir los indijenas de la rejion, las haziendas de los crioyos de Tequixquiac se trokaron a la produksion de pulke, ke asegun trasnsportavan asta la Sivdad de Meksiko para la merka. Los hazendados tenyian komo lavoradores a los indijenas para sakar el zumo de aguamyel del agave i sembrar las tierras, era una egzplotasion ke favoresio el movimiento revolusionario.

Sieklo XX[trocar | trocar el manadero]

EL prezidente Porfirio Díaz vino munchas vezes a Tequixquiac por modre de las ovras de konstruksion del Grande Kanal de Desague de la Sivdad de Meksiko, ordeno konstruir linyas de treno para yevar materiales, transporto de lavoradores i merkadurias de retorno komo pulque, piedra kaliza, maiz i sevada azia la Sivdad de Meksiko, finalmente en 1900 hue ignagurada i apresentada la obra grande de su governo, el kual iba de la Lagona de Zumpango azia el Tajo de Tequixquiac, en el maale de El Refugio.

Durante los primeros anyos del siglo XX komienza la gerra revolusionaria de 1910, la djente de Tequixquiac se unio al movimiento del sud, el kual era komandado por el djeneral Emiliano Zapata; akavada la gerra revolusionaria para el derrokamiento de Porfirio Díaz, el reparto de tierra i la kriasion de una mueva konstitusion nasionala. Huvo reparto de tierra en ejidos y zonas komuneras, Otilio Montaño vino a Tequixquiac en 1917 i sedio las tierra ke eran de las haziendas i de la kilisia, huerono repartidas azia los kampesinos o komuneros por mando del governo federal.

Jeografia[trocar | trocar el manadero]

Belediye de Tequixquiac.

Tequixquiac topa al norte del estado, konta kon una superfisie de 122.32 km² de territorio. La kavesera del belediye es el kazal de Santiago Tequixquiac, i topa al norte kon el belediye de Apaxco, al sud kon el belediye de Zumpango, al sudoeste kon el belediye de Huehuetoca, al este kon el belediye de Hueypoxtla i al oeste ay frontiera kon el Estado de Hidalgo (belediye de Atotonilco de Tula). [4]

El belediye de Tequixquiac es pozisionado enlas koordenadas jeografikas del meridiano de Greenwich, latitud norte 19º 00' 00 minima, º 00' 00 maksima, longitud oeste 99º 00' 00 minima, º 00' 00 maksima.

Orografia[trocar | trocar el manadero]

La altitud mayor es el Serro Mesa Ahumada tiene una altura de 2488 metros ensima del nivel dela mar, topan entre los belediyes de Tequixquiac, Huehuetoca i Apaxco, la menor altitud del belediye es azia el norte ande ay un vale, en la beira del Rio Grande Kanal de Desague kon 2,100 metros ensima del nivel dela mar. Las chikas muntanyas aki topadas komo el Serro Kolorado aze frontiera kon el estado de Hidalgo, estas zon una prolongasion de la Serralada de Tepotzotlán, las sayas de los serros abashan azia las tierras aridas del Vale del Mezquital ke topan al norte kon el belediye de Apaxco. Azia el oryente zon las planadas delas Lomas de España, en kolindansia kon los belediyes de Zumpango i Hueypoxtla.

Idrografia[trocar | trocar el manadero]

El Grande Kanal de Desague dela Sivdad de Meksiko (antikamente yamado Rio Xothé) es el rio de mayor tamanyo ke kruza de sud a norte azta topad kon el rio Tula enel estado de Hidalgo; el rio Salado de Hueypoxtla es otruna korriente de agua ke atravisa de oryente a oksidente i endemas aresive las aguas de chikos rios, azta enjuntar kon las aguas del Grande Kanal de Desague.

Klima[trocar | trocar el manadero]

En el belediye de Tequixquiac, ay un kima templado sub-humido bastante agradavle a pesar de ser un lugar seko ande muchiguan los kaktos. El mayor kalor es en los mezes de Mayo azta Agosto, en invierno kaji no ay luvias, anke la temperatura abasha azta 5 grados arriva de zero.

Flora i favna[trocar | trocar el manadero]

Arvole de Tejocote, se topa en Mesa Ahumada.

El belediye de Tequixquiac es un territorio mayormente ruralo, ay aki una diversidad de plantas i animales ke moran entre el Vale de Meksiki el semi-desertiko Vale del Mezquital.[5] Enel belediye, antigamente moravan aki grandes animales komo glyptodonts, mammoths, horses, bisons, durante la preistoria, enel kontinente Amerikano.[6]

Las plantas nativas zon la ashavara (agave americana), kardo o choya (cylindropuntia imbricata), chumbero (opuntia ficus-indica), biznaga (echinocactus), organo (pachycereus marginatus), garambuyo (myrtillocactus geometrizans), palo dulse (eysenhardtia polystachya), akasia (prosopis juliflora), ahuehuete (taxodium mucronatum), ensina (quercus rugosa), tepozán (buddleja cordata), huizache (vachellia farnesiana), sedro (cupressus lusitanica), sause (salix), xaixne or creosote bush (larrea tridentata), pepicha (porophyllum linaria), depe (Jaltomata procumbens), tule (schoenoplectus acutus), karrizo (phragmites communis), i arvoles de frutas komo tejocote (crataegus mexicana), kapulin (prunus serotina), sapote blanko (casimiroa edulis).

Los animales nativos zon el cacomistle, zorriyo, topo, Virginia opossum, konejo, Mexican gray squirrel, indiano, colibri, turkey vulture, northern mockingbird, bivoro de kaskavel, pine snake, xincoyote, red warbler, rufous-crowned sparrow, lesser roadrunner, bufo, axolot, rana, sapo, ormiga kolorada, abesha, endemas otrunos.

Governo i administrasion[trocar | trocar el manadero]

Alkaldia del belediye de Tequixquiac.

La kavesera o kapitala del belediye es la lokalidad de Santiago Tequixquiac, lugar ande governa la otoridad mas emportante del belediye ke es apresentada por el Ajuntamiento de Tequixquiac,[7] estruktura de governo lokal elejido por votasiones kada tres anyadas i emiten los sivdadanos mayores de 18 anyos de edad.

Alkalde Periodo
José Rafael Pérez Martínez 2000-2003
Gustavo Alonso Donis 2003-2006
Enrique Martinez Astorga 2006-2009
Xóchitl Ramirez Ramírez 2009-2012
Juan Carlos González 2013-2015
Salvador Raúl Vázquez 2015-2018

Partajamientos politikos[trocar | trocar el manadero]

Partajamientos delos ejidos de Tequixquiac.

El belediye de Tequixquiac esta partajado en dos kazales (kada kazal apartajase en barrios o males), tambien ay otrunos apartajamientos komo rancherias i seis kolonias agrikolas.

  1. Barrio de Santiago: Colonia Centro.
  2. Barrio de San José: Colonia Taxdho, Colonia San Francisco Pueblo Nuevo.
  3. Barrio de San Mateo: Colonia El Vije, Colonia Gumisha, Colonia El Sol.
  4. Barrio de San Miguel: Colonia Media Luna, Colonia Prados, Colonia El Jagüey, Colonia Ejidal Wenceslao Labra.
  5. Barrio de El Refugio: Colonia El Tajo, Colonia Palo Grande.
  • Tlapanaloya se divide sinko maales; Centro, La Plazuela, La Rinconada, Monte Alto y La Arenilla, tiene tres kolonias agrikolas, Colonia Francisco I Madero, Colonia Pajaritos i Colonia La Esperanza.
  • El Crucero, es una lokalidad de resiente formasion.
  • La Heredad, es una lokalidad que proviene de una antika rancheria.

Demografia[trocar | trocar el manadero]


De los 33,907 moradores del belediye de los kualos 17,356 zon mujeres.

Lokalidades[trocar | trocar el manadero]

El belediye de Tequixquiac tiene 13 lokalidades, las mas emportantes zon:

Kodigo INEGI Lokalidad Povlasion
15096 Total del Belediye 33,907[8]
150960001 Santiago Tequixquiac 25,430
150960008 Tlapanaloya 6,466
150960007 San Miguel 2,754
150960012 Colonia Wenceslao Labra 1,248
150960017 El Crucero 134
150960003 La Heredad 73

Linguas[trocar | trocar el manadero]

La lingua ke avla el 90% de los sus avitantes es la lingua kastilyana, alkunas personas avlan kon munchas palavras antikas venidas de Espanya, las ke peduraron ansina desde el periodo kolonialo, la influensia de la lingua ladina es huerte en las sus lokalidades; los arkaizmos se avlan prensipalmente en personas majoritas o de anyos avanzados.

La segunda lingua avlada en este munsipio es la lingua otomi, lengua indijena ke ansina se avla por personas de las lokalidades, hue la primera lingua ke se avlo asegun en este munisipio, endenantes de ke afinkaran los aztekos i los evropeos. La tersera lingua ke se avla aki es la lingua mazahua, otra lingua de la famiya oto-pame (komo la lingua otomi).

La katrena lingua, es la lingua nahuatl, una lingua de emportante tradision en la istoria ansestrala de los avitantes de este munisipio, hue lingua franka i lingua de la evanjelisasion kristiana de los indijenas de la rejion, al igual ke la lingua otomi i la lingua kastilyana.

Relijion[trocar | trocar el manadero]

El Sinyor dela Kapiya, imej de Yeshu venerada en Tequixquiac.
La kilisia metodista, hue afinkada en Tequixquiac en 1901.

La relijion mas praktikada en el belediye de Tequixquiac es el kristianismo katoliko, el 90% se konfieza de esta kreyensia, en el anyo de 1990 avia 16 796 katolikos asegun el ultimo registro ofisialo, las parrokias pertenesen a la Diosesis de Cuautitlán.[9] Dentro del protestantismo, una de las konfesiones ke mas amuchigua, es la de los Testemunyos de Jehova, endemas, las kilisias pentekostalas tambien konsentran muevos kreyentes, kilisias ke se amagan ansi mismas komo solo kristianos; otras kilisias son las evanjelikas, la piedra angular, la luz del Olam i la kilisia metodista, akeya ke se afinko en el munisipio de Tequixquiac por la arrivada de los trabajadores inglezos ke laboraron en el Primer Tunel de Tequixquiac.

Kon el empesijo de las ovras del tunel de grande kanal de desague de la Sivdad de Meksiko, afinkaron en Tequixquiac, injenieros de orijin inglez, prosedentes de Real del Monte, Pachuca i Necaxa, eyos trujeron la kilisia metodista i fundaron una chika kilisia en el kazal para el kulto de los ajenos. En 1901 se hueron los inglezos, ma desharon konversos i alkunos desendientes ke kontinuearon kon el servisio del kulto i el tradision metodisto.

Tequixquiac es uno delos belediyes kon numerozos ateos, en akodro a la su povlasion, es una kreyensia ke muchigua entre mansevos, djovenos i personas kon estudios universitarios, la sensia es parte de la su kreyensia i la negasion de divinidades o dyoses. Ansina igual se manifiesta el gnostisizmo, kreyer en Dios o en forzas del kosmos, ma negar reunise en kilisias o kultos. Egziste en Tequixquiac un poko de tradision antika de los puevlos indijenas, la kreyensia de sanar dolensias kon yervas i ritos antikos de shamanes o nigromantes, sen relasion kon kreyensias djudio-kristianas i ke se praktika por la djente.

En Tequixquiac ay presensia de djudaizmo ansi desde la kolonisasion espanyola en alkunas famiyas; eran estos kriptodjudios, endemas yamados marranos, los kualos fueron absorvidos por el katolisismo en la su mayorita, alkunos konservaron las sus kostumbres djudias dentro del kristianizmo katoliko.[10]

Relijion Povlasion (1970) Povlasion (1990)
Total 10,276 17,995
Katolikos 9,872 16,796
Protestantes 314 662
Ateos 71 275
Djudios 7 11
Otros 12 202
Sen espesifikasion -- 49

Edukasion[trocar | trocar el manadero]

Sentro edukativo, Xinachtli, edukasión privada de kriaturas.

El governo del belediye prokura ke ayiga eskolas de todos los nivelos de edukasion, siendo la eskola primaria Nicolás Bravo ke ha destakado en los eksámenes de nivelasión akadémica [aklaro nesesario] ke también es kompartido con la escuela Juan Fernández Albarrán, la secundaria Fray Servando Teresa de Mier (de Tlapanaloya) en materia de edukasión ekolójika i ambientalista, ansina komo el CBT Alfonso León de Garay.[11]

El nivelo de eskola es medio, kon alta desersión en el nivelo medio superior (preparatoria o bachiyerato) pese a ke dentro de las lokalidades del belediye ay tres institusiones de nivelo medio superior i programas de alfabetizasión para aedados. El 89% de la poblasión ha terminado el niveo básiko edukativo lontando con una eskola en kada male o kolonia sin tener défisit por avla.[aklaro nesesario]

Kultura[trocar | trocar el manadero]

El belediye de Tequixquiac tyene una huerte erensia indijena, los otomis i los aztekos zon los grupos ke afinkaron aki en denantes, ma afinkaron tambyen grupos iberikos en la Mueva Espanya, por eyo ay influensia kulturala espanyola i portugeza.

Tequixquiac konta kon un muzeo komuntario yamado Temoatzin, lugar ande se muestra guesos de mamut, gliptodonte, kavayo preistoriko, lonso preistoriko i objetos prekolombinos de los antikos puevlos orijinarios komo los otomis i los aztekos.

Folklor[trocar | trocar el manadero]

Contradanza de las Varas en Tequixquiac.

Las danzas preispanikas zon uno de los bailes ke se danzan en el belediye, los concheros zon danzadores ke bailan kon un teponaztli i koncho de karakol marino, visten kon pyeles de animales i plumas de pasharos, es de orijin chichimeko purke esta rejion fue morada por los indijenas otomis i aztekos. Oy en dia se baila en el kazal de Tlapanaloya, ande ay un grupo de concheros engrandesido.

Es uno de los belediyes del estado kon un folklore propio, aki ay el tradision de danzar La Contradanza de las Varas, un baile venido del norte dela Espanya, de la rejion de Asturias ke se danza denantes de la independensia de Meksiko azta oy en dia; es un baile krioyo en onra al Sinyor dela Kapiya, un kristo muncho venerado en este lugar, endemas se danza el 25 de djulio durante el Jacobeo i el Jubileo.

Endemas aki ay agrupasiones de danza folklorika, ke se apresentan en diversos foros del paiz i de otros paizes, desde la chikez se embeza la danza, se embeza en diferentes fraguas de kultura del belediye, todo el anyo ay eventos kulturalos de danza folklorika en los kazales komo Santiago Tequixquiac, Tlapanaloya i Wenseslao Labra.

Kuzina[trocar | trocar el manadero]

La kuzina del belediye es diversa en sabores, es una mistura de kuzinas prekolombinas kon la kuzina espanyola, ay fuerte influensia dela kuzina sefaradi, ansi komo de sabores indijenas. El maiz es la baza dela alimentasion de la jente, todos los alimentos yevan algo de maiz. Los frutos del belediye zon los tejocotes, los chumbos, los garambuyos, las guayabas, los elotes i los depes; las bevidas zon el pulque i kurados, agua de chía i mezcal; los dulses de temporada zon los tejocotes en dulse, la kalavasa en dulse, la myel. Ay munchos alimentos de orijen indijena komo las tortillas de maiz, el ximbó, el pozole, los tacos, loes escamoles, los tlacoyos, las gordas de maiz, el mondongo, el mixiote, los sopes, las quesadillas, las enchiladas, los chilaquiles, el mole de olla, los tamales de frejol, rajas, vedre, mole i keso, los nopales navegantes, la sopa de hongos, la sopa de malvas, la sopa de tortillas, los gualumbos i antigamente los indijenas komian karnes de zarigueya, zorriyo, pasharos silvestres, venado, pekari, godorniz, viboro de kaskavel, raton kampero, konejos, indianos i patonas silvestres.

La influensia de los sefaradis en la kuzina de Tequixquiac es fuerte, ay aki alimentos komo el panbasho, antojo uniko del kazal de orijen djudio ke se konserva desde el periodo kolonialo i es echo kon asemite; ay otros alimentos komo el atole de kajeta, mazapanes, bunyuelos, arroz kon leche, la barbacoa de kodrero, karne de res kon guevo i ejotes kon guevo, ansina pan de trigo i guevadas. La influensia espanyola es mayor, ay aki chorizos, longanizas, keso de porko, morsiyas, tosinos, chicharrones, las carnitas i karnes asadas de porko, konejo, toro, indiano, poyo, godorniz, kodrero, chivo i pishkado. Endemas el konsumo de pan de trigo es huerte en esta rejion, ansina komo el kezo fresko, la krema, la mantekiya i leche bulgara.

Espor[trocar | trocar el manadero]

La charreria, espor praktikado enel belediye.
Los forkados, suerte de orijin portugez praktikado en Tequixquiac.

La charreada es un espor antiko, erensia de los kolonialistas espanyoles i portugezos ke afinkaron en Tequixquiac, ansina es praktikada enel periodo kolonialo espanyol asta oy endia. Zon suertes de monta de kavayos persiguiendo al ganado, tambien se djuegan las eskaramuzas, suertes de djuego onde las mujeres trokan de kavayo durante la kompentensia. Los forkados zon otrunos ke djogan a perseguid el toro, es un suerte venido del Portugal ke se djoga enel belediye, anke agora poko ay praktika.

Otros esportes praktikados en Tequixquiac, zon el futbol, el basketbol, el voleibol, las karreras de bisikleta de montanya, el taewando, el judo, la natasion, el atletismo, el fronton i el beisbol.

Personas afamadas[trocar | trocar el manadero]

Ver endemas[trocar | trocar el manadero]

Bibliografia[trocar | trocar el manadero]

  • Bando Municipal de Policía y Buen Gobierno, 2008.
  • La conquista espiritual en Tequixquiac, Miguel Ángel Olvera Vázquez et al. (El señor de la capilla) Enero-Marzo de 2007.
  • Monografía Municipal de Tequixquiac, Pélaez Vásquez, Guillermina,, Toluca, 1986.
  • Monografía Municipal de Tequixquiac, Rodríguez Peláez, María Elena, Toluca, 1999.
  • El Refugio un lugar con historia, Rodríguez Reyes, María Jazmín, Tequixquiac, 2003.

Referensias[trocar | trocar el manadero]

  1. Belediye de Tequixquiac SEDESOL, 15 de Mayo de 2017.
  2. Ecenarios del Centro Cultural Mexiquense Secretaria de cultura, 22 de Ochobre de 2017.
  3. INAH Deskripsion de un gueso tayado, de yama fosil.
  4. Ansiklopedya delos belediyes de Meksiko INAFED Belediye de Tequixquiac, 24 de dizyembre de 2017. (en lingua kastilyana)
  5. Rodríguez Peláez, Maria Elena, Monografía municipal de Tequixquiac, Denominación y toponinimia, Instituto Mexiquense de Cultura, Toluca de Lerdo, 1999. p.p. 44.
  6. La vanguardia May 4, 2016
  7. Belediyes meksikenses Governo del Estado de Meksiko, 28 de agosto de 2017. (en lingua kastilyana)
  8. Belediye de Tequixquiac SEDESOL, 15 de Mayo de 2017.
  9. Rodríguez Peláez, Maria Elena, Monografía municipal de Tequixquiac, Denominación y toponinimia, Instituto Mexiquense de Cultura, Toluca de Lerdo, 1999. p.p. 24.
  10. Enciclopedia de los Municipios de Mexico Estado de Mexico Tequixquiac 27 de May de 2007.
  11. CBT Alfonso León de Garay

Atamientos eksternos[trocar | trocar el manadero]

Commons Wikimedia Commons alberga kontenido multimedia sovre Tequixquiac


Estado de Meksiko | Toluca de Lerdo Bandiera del estado de Meksiko
Belediyes Acambay | Acolman | Aculco | Almoloya de Alquisiras | Almoloya de Juárez | Almoloya del Río | Amanalco | Amatepec | Amecameca | Apaxco | Atenco | Atizapán | Atizapán de Zaragoza | Atlacomulco | Atlautla | Axapusco | Ayapango | Calimaya | Capulhuac | Chalco | Chapa de Mota | Chapultepec | Chiautla | Chicoloapan | Chiconcuac | Chimalhuacán | Coacalco de Berriozábal | Coatepec Harinas | Cocotitlán | Coyotepec | Cuautitlán | Cuautitlán Izcalli | Donato Guerra | Ecatepec de Morelos | Ecatzingo | El Oro | Huehuetoca | Hueypoxtla | Huixquilucan | Isidro Fabela | Ixtapaluca | Ixtapan de la Sal | Ixtapan del Oro | Ixtlahuaca | Jaltenco | Jilotepec | Jilotzingo | Jiquipilco | Jocotitlán | Joquicingo | Juchitepec | La Paz | Lerma | Luvianos | Malinalco | Melchor Ocampo | Metepec | Mexicaltzingo | Morelos | Naucalpan de Juárez | Nextlalpan | Nezahualcóyotl | Nicolás Romero | Nopaltepec | Ocoyoacac | Ocuilan | Otumba | Otzoloapan | Otzolotepec | Ozumba | Papalotla | Polotitlán | Rayón | San Antonio la Isla | San Felipe del Progreso | San José del Rincón | San Martín de las Pirámides | San Mateo Atenco | San Simón de Guerrero | Santo Tomás | Soyaniquilpan de Juárez | Sultepec | Tecámac | Tejupilco | Temamatla | Temascalapa | Temascalcingo | Temascaltepec | Temoaya | Tenancingo | Tenango del Aire | Tenango del Valle | Teoloyucan | Teotihuacán | Tepetlaoxtoc | Tepetlixpa | Tepotzotlán | Tequixquiac | Texcaltitlán | Texcalyacac | Texcoco | Tezoyuca | Tianguistenco | Timilpan | Tlalmanalco | Tlalnepantla de Baz | Tlatlaya | Toluca | Tonanitla | Tonatico | Tultepec | Tultitlán | Valle de Bravo | Valle de Chalco Solidaridad | Villa de Allende | Villa del Carbón | Villa Guerrero | Villa Victoria | Xalatlaco | Xonacatlán | Zacazonapan | Zacualpan | Zinacantepec | Zumpahuacán | Zumpango