Betahayim de Selanik
El Betahayim de Selanik era un grande betahayim el kualo kontinía entre 300.000[1] i 500.000 tumbas,[2]ubikado al oryente de la sivdad vieja de Salonika, i el kualo fue destruyido durante la Sigunda Gerra Mondiala por los nazis.
Emplasamyénto
[trocar | trocar el manadero]A empesijos del syéklo XX, el betahayim okupava toda la distansia entre la sivdad vieja i los bairros muevos de Kalamaria, kresiendo asta serka de la beira de la Mar Ejeo. El su limite por el oryente iva sigir la ruta de la aktual kaleja Pavlos Melas, el su kostado Nord se ankontraba en lo ke oy endia es el kampus de la Universita Aristoteles, i el kostado Sud en lo ke oy endia es el bairro de Saranda Ekklisies. El su limit oksidental estaba serka del aktual estadion de futbol del PAOK Salonika. El betahayim de los dömne, djudios konvertidos al Islam, se ankontraba ande endagora esta el stadion.
Istorya
[trocar | trocar el manadero]Se kree ke el betahayim fue fondado por djudios romaniotas, los kualos lo aperturaron sobro de los restos de un antiko betahayim bizantino. Dempues del arrivo de los sefardim dempues de la Ekspulsion de los djudios de Espanya enel anyo 1492, el betehayim empies{o a kreser, sobre todo a tyérras konsideradas no aptas para la siembra. El su kresimyénto tambien fue a kosta de otro antiko betahayim bisantino. Durante má de 400 anyos los djudíos de Salónika entyérraron a sus keridos en este betahayim, ke se troko a ser el má grande de tudo el mundo sefardi. Enel anyo 1911 ya tinía un tamanyo de 324.000 m².
Las inskripsiyones en las tumbas, tradisionalmente en ivrit en los betahayim, estaban en Salonika endemas en otras linguas. Esto era komun en las tumbas de los Marranos i Xuetas los kualos se arifujiaron en la sivdad enel syéklo XVII i ke munchos avían olvidado el ivrit, i antonses para eyos la tumba estaba eskrita en Lingua kastilyana. Ansina tambien empiesaron a azer alkunos djudios de Italia, kon las sus tumbas en italiano i en ivrit. Tambien se ankontran alkunas lapidas en idish, el lashon avlado por los ashkenazim i alkunas sólu en alman, lingua avlada por los yekkes. Desde el syéklo XIX, kuando empieso la enfluensia fransesa en la komunita sefardi, el betahayim empies{o a yenarse de tumbas kon eskritos en lingua fransesa i alkunas en Djudeo-espanyol.
Desmembrayénto
[trocar | trocar el manadero]Durante la mayor parte de la su egzistensia, el betahayim pedrio parte de sus ekstensiyon por parte de la povlasion no-djudia. Por egzemplo, los ottomanos uzaron pyédras i lapidas para dar más huérsa a los muros de la sivdad durante la revolta de los grékos del Peloponeso. Endemás durante el reinado del Sultán Abdulhamid II, se iva kitar una parte para kriar muevas máales, afilú ke los djudios estaban en kontro de esto por razones relijiozas. Sabri Pasha, el governador de la sivdad, tomo una parte del betahayim para kriar la avenida Hamidye, oy endia la Avenida Reina Sofia i endemas izo frafuar una eskola kon pyédras del betahayim. Esta eskola es oy endia la Universita Aristoteles, la kuala fue ampliada tambien kon gran parte delñ Betahayim. Los korpos ke ainda egzistian fueron yevados de alyí. En la Sigunda Gerra Mondial los grékos, kon adjuda de los nazis, tomaron pyédras del betahayim para fraguar la kilisa Ajios Dimitrios. La komunita no podia kudiar el su betahayim déke kaji tudos fueron yevados a los kampos de eksterminio nazi.
Sigundo Betahayim
[trocar | trocar el manadero]El betahayim aktual de Salonika esta en otra parte de la sivdad i tiene un area de 17 000 m², i ainda tiene alkunas lápidas del antiko betahayim. [3].
Referensias
[trocar | trocar el manadero]- ↑ Nicholas Stavroulakis, Salonika, Jews and dervishes, Talos Press, Atenas. Muzeyo Djudío de Salonika.
- ↑ Michael Molho, « El cementerio judío de Salónica », Sefarad, 9:1 (1949) p.124-128
- ↑ International Survey of Jewish Monuments