Cozumel

Un artíkolo de la Vikipedya, la ansiklopedya líbera
Saltar a: navigación, buxcar
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Cozumel
קוזומיל

Escudo de armas de Cozumelקוזומיל
Mexico Quintana Roo Cozumel location map.svg
Paiz Flag of Mexico.svg Meksiko
Estado Quintana Roo
Kavesera San Miguel de Cozumel
Fondasion
Superfisia km²
Altura 13 m.
Povlasion 79 535 mor.
Alkalde Perla Cecilia Tun Pech
Jentilisio
Kodigo 23001 (INEGI)
Lokalidades
Hoja web

 

Cozumel es uno de los onze belediyes del Estado de Quintana Roo i una izla grande o ada de la Mar Karibe. La kavesera es la sivdad de San Miguel de Cozumel. Endemas el belediye konta kon los chikos territorios kontinentalos de Xel-Há i Calica. La su ekonomia mana del turizmo i la aktividad pishkadera, es la mayor izla de Meksiko ke es afinkada i morada en denantes de la konkista espanyola.

Etimolojia[trocar | trocar el manadero]

Cozumel, en lingua orijinaria sinyfika Tierra de golondrinas, el orijen del biervo en lingua maya yukatekana es kosom (golondrina) i lu'umil (tierra), la su sinyifikasion deriva de dos biervos, siendo ansina; Kosom Lu'umil.

Istoria[trocar | trocar el manadero]

Los primeros morantes de la izla de Cozumel arrivaron a eya alrededor del sieklo II a.K. Anke no zon identifikados plenamente, se kreye ke estos umanos eran parte de grupos seminomadas karibes, dedikados indistintamente a la pishka i la kazeria.[aklaro nesesario]

Afinkamiento antiko maya de San Gervasio.

Una sigunda arrivada mas organizada afinko en el sieklo III d.K. Estos grupos mayas hueron identifikados komo prosedentes de la rejion del Petén (oy endia aktual territorio de Guatemala), al sud de la Peninsola de Yukatan, kon un nivel kultural muncho superior a los antesesores, estos hueron sedentarios, konosían la agrikultura i dominavan teknikas arkitektonikas en las fraguas, ansi mismo se toparon restos de la su aktividad en alkunas sharfas fraguas i segmentos de alfareria ayados en el sentro norte de la izla, en la zona konosida aktualmente komo Santa Rita i San Gervasio.

La tresero afinkamiento, hue durante le periodo klasiko, hue el arrivo de los mayas en el sieklo VIII, prosedentes de Tabasco y del sud de Campeche. La formavan grupos mayas-chontales de la alkunya putún, navegadores i merkaderes ke yegavan azta Amerika Sentrala i ke en Cozumel hue un emportante. Este grupo introdujo a la izla muevas formas de orde sosial, otros estilos arkitectónikos i muevos kultos relijiozos, komo la devosion a Ix Chel, diosa de la luna, fertilidad y nasimiento, y ke en la izla tuvo su prinsipal templo, dando orijen a un rito de peregrinasión de todo el mundo maya azia la izla de Cozumel. El Chilam Balam de Chumayel rekodra la dispersion maya por el rumbo del Karibe.

Jeografia[trocar | trocar el manadero]

Mapa de la izla.

Izla topada en la Mar Karibe, Cozumel es una izla yana formada de roka kalisa misma ke proviene de los arrezifes. La elevasion naturala mas emportante en la izla es a menos de 13 metros ensima de la mar. Los zenotes formados por la filtrasion dela agua a traves de la piedra kaliza durante miles de anyos pueden zer eksplorados nadando o mediante aktivitas komo el snorkel i el buseyo; pueden verse distintas espesies dela mar.

La izla mide alrededor de 48 km de norte a sud i 14,8 km de este a oeste, lo ke la konvierte en la tresera izla mas grande del Meksiko dempues de la Izla del Tiburón en el estado de Sonora i la Izla Ángel de la Guarda en Basha Kalifornia. Topada a 20 km al este dela beira orientala de la peninsola de Yukatán, i a 60 km al sud de Cancún, tiene una ekstensión de 647,33 km² komparada kon 1.208 km² de la Izla del Tiburón i 895 km² de la Isla Ángel de la Guarda.

También en Cozumel se topa el punto más oriental de Meksiko, yamado o afamado komo Punta Molas, azia el norte de la izla. Otra datasion emportante, es ke la izla tiene, desde el anyo 2015, un uzo orario distinto, el muevo orario akodrado es UTC-5; endagora, por isos trokamientos, el paiz konta kon un katreno uzo orario.

Klima[trocar | trocar el manadero]

En el belediye de Cozumel, ay un kima tropika, una grande parte de la ada es shara tropikala de basha altura kon luvias en verano. El mayor kalor es en los mezes de Mayo azta Agosto.

Flora i favna[trocar | trocar el manadero]

La izla es de muchas espesias de plantas, las palmeras zon una de las grandes plantas ke muchiguan aki, prinsipalmente ande ay dunas de arena fina.

El mapache pigmeo, mamifero propio de la izla.

En Cozumel ay menos de 27 tipos de vertebrados, alkunos de los kuales zon endemikos:

En la izla ay arezifes de koral, una riquesa de la natura ke egziste en las beiras del territorio, ayi ay munchos peshes de vivos kolores ke moran en los arezifes, ansina tambien ay angilas, eskualos o tiburones, delfinos, tortugas dela mar i numerozos moluskos i krustaseyos komo gambas, kragrejos, langostinyos, entre otros.

Governo i administrasion[trocar | trocar el manadero]

Alkaldia del belediye de Cozumel.

La otoridad del belediye mas emportante esta representada por el Ajuntamiento de Cozumel, estruktura de governo lokalo elejido por votasiones ke emiten los sivdadanos mayores de 18 anyos de edad.

Alkalde Periodo
PAN (Mexico).svg Gustavo Ortega Joaquín 2005-2008
PRI logo (Mexico).svg Juan Carlos González Hernández 2008-2011
PRI logo (Mexico).svg Aurelio Omar Joaquín González 2011-2013
PRI logo (Mexico).svg Fredy Marrufo Martín 2013-2016
PAN (Mexico).svg PRD logo without border (Mexico).svg Perla Cecilia Tun Pech 2016-2018

Ekonomia[trocar | trocar el manadero]

Zona ostelera dela sivdad de San Miguel de Cozumel.

Es uno de los belediyes de paiz kon muchiguamiento dentro del turizmo, la prinsipala aktividad ekonomika i la mas emportante kavida de dinero es la hosteleria i el buseyo; konta kon otros atraktivos para el turizmo nasionalo e internasionalo komo el senderizmo, la visita de sitos arkeolojikos, ay un ayroporto de arrivadas internasionalas prinsipalmente delos Estados Unidos i Kanada kon el buto de fomento al turizmo i el komersio.

La izla konta kon un sistema de fragatas i barkasas ke kruzan azia Playa del Carmen, Puerto Morelos i Cancun, desde la sivdad de San Miguel de Cozumel; el transporto maritimo es vital emportansia para la merka i sustento de los avitantes de la izla, mersi al transporto maritimo, yegan las merkadurias basikas komo alimentos, agua, granos, vestido, materias de konstrusion, entre otras.

Infraestruktura[trocar | trocar el manadero]

Komunikasion i transporte[trocar | trocar el manadero]

Cozumel konta kon una estrada emportante ke rodea todo el territorio izleno, es aprovechado por el komersio, el turizmo i la transportansion terrestre azi las lokalidades del interior. En Cozumel ay un principal Puerto de akavidamiento a la sivdad de San Miguel de Cozumel, el kual konekta kon las sivdades de Playa del Carmen, Puerto Morelos i Cancun, endemas konta la izla kon un ayroporto internasionalo ke konekta kon ayroportos internasionalos de las sivdades de Cancún, Sivdad de Meksikoo, Chetumal y alkunas sivdades de los Estados Unidos.

Demografia[trocar | trocar el manadero]

En akodro kon sifras dela Kontada de Poblasión i Vivienda del anyo 2010, en el belediye avia 79 535 avitantes afinkados, de los kuales 40 357 zon ombres i 39 178 zon mujeres,[1]

Lokalidades[trocar | trocar el manadero]

Prinsipales lokalidades dela izla.

En el territorio del belediye ay un total de 135 lokalidades, el nifus de los prinsipales afinkamientos zon la sigiente:

Lokalidad Povlasion
Total Belediye 79.535
San Miguel de Cozumel 77.236
Las Fincas 746
Kilómetro Cuatro y Medio 211
La Estrella 154
El Cedral 15

Kultura[trocar | trocar el manadero]

Karnaval de Cozumel.

El Karnaval de Cozumel es de los más antikos de Meksiko i de los mas emportantes. Es una mistura de diversas egzpresiones kulturales, danzas i ritmos de la Penínsola de Yukatán i del Karibe.

Tiene el su orijen en 1874, es un lashon komenzado por famiyas migrantes provenientes de Yukatán, Campeche i otros lugares del paiz, ke toparon en Cozumel. Siendo Cozumel una lokalidad izlena antika ke trujo djente de varios lugares, su karnaval hue baza emportante de la konvivensia de famiyas i alegria de la djente.

Rekonosido en 2007 por CPTM komo uno de los ocho karnavales más mentados del paiz, distinsion ke komparte kon Veracruz, Mazatlán, Campeche, Mérida, Tlaxcala i Oaxaca de Juárez.[2] En el 2015 hue konvidado komo miembro de la Red de Karnavales del Karibe, siendo representante de Meksiko i miembro fundador junto a otros 10 paizes.[3]

Espor[trocar | trocar el manadero]

El buzeyo en Cozumel.

El buzeyo es un espor antikamente praktikado en Cozumel, ansina praktikado por los mayas asta oy endia. La natasion o nado es otro espor del lugar, ya ke al aver aguas para praktikar, se desvelopan munchos esportes akuatikos en aguas tropikalas.

Otros esportes praktikados en Cozumel, zon el voleibol de plaj, futbol, el basketbol, las karreras de bisikleta de montanya, las karreras a kavayo, el atletismo i el mentado beisbol ande los avitantes disfrutan de los torneos, siendo el espor rey del sudeste del paiz.

Ver endemas[trocar | trocar el manadero]

Referensias[trocar | trocar el manadero]

  1. Instituto Nacional de Estadística y Geografía. «Quintana Roo. Población total por municipio según grandes grupos de edad, 2005». Consultado el 27 de marzo de 2010.
  2. Bits, Affen. «CARNAVAL COZUMELEÑO PLATAFORMA PROMOCIONAL TURISTICA DE LA ISLA A NIVEL NACIONAL. | Quintana Roo al Día». Consultado el 20 de abril de 2016.
  3. «La Red de Carnavales del Caribe integra a Cozumel». Consultado el 20 de abril de 2016.

Atamientos eksternos[trocar | trocar el manadero]

Commons Wikimedia Commons alberga kontenido multimedia sovre Cozumel