Quintana Roo

Un artíkolo de la Vikipedya, la ansiklopedya líbera
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Estado de Quintana Roo
יסטאדו די קינטנה רו
Estado de Quintana Roo
Bandyera Eskudo

Situasión de Quintana Roo
Situasión de Quintana Roo

Paiz:  Meksiko
Entidad: Estado
Kapitala: Chetumal
Mayor sivdad: Cancún
Linguas ofisialas: Kastilyano i Maya yukateko.
Forma de governo: Estado federal i soberano
Shefe de governo:
Ekstension: 44 705 km2
Povlasion: 1 857 985
·Densidad: 4.2 ab/km2
Djentilisio: Quintanarroense
Uzo orario: UTC−5
Kodigo ISO: MX-ROO
Hoja web: http://www.qroo.gob.mx/


Quintana Roo o el Estado de Quintana Roo, ofizialmente yamado Estado Livre i Soberano de Quintana Roo. Es una de las 32 entidades federalas del Meksiko ke topa al sudeste del paiz, la su kapitala es Chetumal i la sivdad mas grande es Cancún. Estado aze frontiera kon los estados de Campeche i Yukatan; al sud aze frontiera internasionala kon Belize.

Etimolojia[trocar | trocar el manadero]

O nombre del estado es en onra a Andrés Quintana Roo (1787–1851), polítiko, eskritor, poeta i jornalista, nasido en Mérida e hue finado enla Sivdad de Meksiko. Hue diputado insurgente i uno delos firmadores del Akta de Independensia de Méksiko.

Istoria[trocar | trocar el manadero]

Antika sivdad maya de Tulum.

El territorio ke okupa el actual estado de Quintana Roo hue morado por el antiko puevlo maya. Ay munchos restos arkeolojikos ke dan muestra del pasado de una grande sivilizasion del olam, estos zon Chacchobén, Chakanbakán, Chamax, Cobá, Dzibanché, Ichpaatán, Kohunlich, Muyil, Oxtankah, Tankah, Tulum, Tupak, Xel-Há i Xcaret.

Durante el sieklo XIX, la peninsola de Yukatan hue esena de los mayas mansevos ke pelearon kontra los azendados de orijen espanyol. El prezidente Porfirio Díaz bushkava el kontrol económiko i polítiko de la fronteera kon Belize i la eksplotasión de estas rikas tierras en rekursos naturales. El 24 de noviembre de 1902 se kreo el Territorio Federalo de Quintana Roo kon una ekstension de 50.000 km².

El 2 de septiembre de 1974 el prezidente Luis Echeverría mando al Kongreso de la Unión una inisiativa de ley para ke Quintana Roo i Basha Kalifornia Sud hueran elevados a la kategoría de estados o entidades federalas. Tras la aprobasión de las ledjislaturas estatalas, el 8 de oktubre de 1974 Quintana Roo hue deklarado komo estado livre i soberano kon los mismos límites y ekstensión ke se le abía dado en 1902. David Gustavo Gutiérrez Ruiz hue nombrado governador provisional.

Jeografia[trocar | trocar el manadero]

El territorio de Quintana Roo komparte frontiera internasionala kon Belize al sud i al norte kon el Golfo de Meksiko; al oeste linda kon el estado de Campeche, al nordoeste kon el estado de Yucatán al este kon la Mar Karibe. El estado es apartajado en onze belediyes, la kapitala es Chetumal. La entidad es parte de la Peninsola de Yukatan i es el estado mas oriental del paiz.

El estado konta kon izlas avitadas en las aguas de la Mar Karibe komo la izla de Cozumel, la Izla Mujeres I la izla Xolbox, endemas ay otras izla ke oy endia zon reserva de la natura komo izla Kontoy i el Banco Chinchorro.

Klima[trocar | trocar el manadero]

En el estado de Quintana Roo ay dos kimas, el noreste es de klima poko seko, ande los kaktos tyenen muchiguamiento; la mayor parte del territorio estatal es shara tropikala kon luvias en verano.

Governo i administrasion[trocar | trocar el manadero]

Organizasion territoriala[trocar | trocar el manadero]

Belediye Kavesera Area (km2) Povlasion
Bacalar Bacalar
Benito Juárez Cancún
Cozumel San Miguel de Cozumel
Felipe Carrillo Puerto Felipe Carrillo Puerto
José María Morelos José María Morelos
Izla Mujeres Izla Mujeres
Lázaro Cárdenas Katuninlkin
Othón P. Blanco Chetumal
Puerto Morelos Puerto Morelos
Solidaridad Playa del Carmen
Tulum Tulum

Ekonomia[trocar | trocar el manadero]

Zona ostelera dela sivdad de Cancún.

Es uno de los estados de paiz kon grande muchiguamiento dentro del turizmo, la prinsipala aktividad ekonomika i la emportante kavida de dinero, konta kon munchos atraktivos para el turizmo nasionalo e internasionalo, ay en el estado kuatro ayroportos internasionales kon arrivadas prinsipalmente delos Estados Unidos, Kanada i la Evropa.

El estado es grande produktor de otros produktos agrikolas komo el maiz, el papaya, la chile, el frejol, la guava i el tomat.

Demografia[trocar | trocar el manadero]

Asegun los datos del II Censo de Población y Vivienda yevado akabo por el Instituto Nacional de Estadística y Geografía (INEGI) kon data de empadronamiento del 12 de djunio de 2010, el estado de Quintana Roo kontaba azta ese anyo kon un total de 1.325.578 avitantes, de dicha kantidad, 673.220 hueron ombres i 652.358 hueron mujeres. La tasa de muchiguamiento anual para la entidad durante el período 2005-2010 hue del 3.1%.[1]

Kultura[trocar | trocar el manadero]

Presentasion de un guerrero jaguaro en Xcaret.

Quintana Roo es tierra ande las manifiestos mayas de han dado, en denantes azta oyendia; el puevlo maya, por modre es parte de las grandes sivilizasiones del olam. Aki distaka la arkitektura, la muzika, el kanto, la lingua maya de Yukatan, la eskultura, la pintura i el lashon de los puevlos indijenas. Los mayas antikos hueron grandes mazales del arte i desharon emportantes aportos dela su kultura enel estado i en Meksiko.

Entre las kulturas populares estan las vakerias, fyestas ande ay toradas, danza i muzika.

Ver endemas[trocar | trocar el manadero]

Referensias[trocar | trocar el manadero]

  1. INEGI, tasa de muchiguamiento de la povlasion; 13 de marzo de 2017.

Atamientos eksternos[trocar | trocar el manadero]

Commons Wikimedia Commons alberga kontenido multimedia sovre Quintana Roo


Estados Unidos Meksikanos | Sivdad de Meksiko Bandiera de Meksiko
Estados Aguascalientes | Basha Kalifornia | Basha Kalifornia Sud | Campeche | Chiapas | Chihuahua | Coahuila | Colima | Durango | Guanajuato | Guerrero | Hidalgo | Jalisco | Meksiko | Michoacán | Morelos | Nayarit | Muevo Leon | Oaxaca | Puebla | Querétaro | Quintana Roo | San Luis Potosí | Sinaloa | Sonora | Tabasco | Tamaulipas | Tlaxcala | Veracruz | Yukatan | Zacatecas | Sivdad de Meksiko