Esnoga Beit Bella
La Esnoga Beit Bella o la Esnoga de Tallinn, (en estonio Tallinna sünagoog, en ivrit בית הכנסת בית בלה) es la unika esnoga del paez, i esta ubikada en la sivdad kapitala [1], Tallinn. La esnoga fue fraguáda kon fondos privados i aperturada el 16 de Mayo delanyo 2007. La frágua es una estruktura ultramodierna, yena de ayre, kon kapasitá para 180 personas,[2] kon una kapasitá adisional de asta 230 personas para konziertos i otros eventos publikos. La esnoga a resivido muncha atensiyon déke es la primera esnoga fraguada en Estonia desde la Sigunda Gerra Mondiala. La esnoga fue disenyada por los arkitekos Kaur Stöör, Tõnis Kimmel, Liis Lindvere, Raili Paling i Andrus Kõresaar, de la entreprisa KOKO. Para el aperturamiento de la esnoga, asistieron el antonses Vise-Primer Ministro de Israel, Shimon Peres, el Rabino Shefe Ashkenazi de Israel, Sinyor haham Yona Metzger, el Rabino Shefe de Estonia, Sinyor haham Shmuel Kot, i el presidente de Estonia, Toomas Hendrik Ilves[3].
La esnoga orijinala de la sivdad, fraguada enel anyo 1883, no fue refraguáda dempues de ser destruyida enel anyo 1944 i antonses Tallinn paso a serla unika sivdad kapitala evropea sin una esnoga. Tartu, una sivdad chika en el Sud-Oryente del paez, tambien tinía una esnoga la kuala fue destruyida durante la Gerra.
Ver endemas
[trocar | trocar el manadero]Referensias
[trocar | trocar el manadero]- ↑ Estonia's Only Synagogue Opened in Tallinn
- ↑ Estonia opens first new synagogue. BBC
- ↑ Peres, Metzger Attend Opening of First Estonian Synagogue
Enlasos eksternos
[trocar | trocar el manadero]- Pajina web ofisial de la Esnoga de Tallinn
- Estonia's first synagogue since World War II opens, European Jewish Press
- Synagogue set to open in Estonia for first time since Holocaust, Federation of Jewish Communities of the CIS
- First Post-World War Two Synagogue Opened in Tallinn, Estonia, European Jewish Congress
- Estonia's Jews set to inaugurate new Tallinn synagogue, International Herald Tribune
- Synagogue set to open in Estonia for first time since Holocaust, Haaretz
- Estonia opens synagogue for first time since Nazi era, The Independent
- Estonia Jews to get first synagogue, Aljazeera.net