Fortuna (kantadera)

Un artíkolo de la Vikipedya, la ansiklopedya líbera
Ir a la navegación Ir a la búsqueda

Fortuna (Sao Paulo, 1958) es una kantadera, kompositora i aktrisa sefaradiá de Brasil.

Biografiya[trocar | trocar el manadero]

Fortuna nasió en Sao Paulo dentro de una famiya sefaradi. Desde mansevika eya kresió serkana a la musika, la dansai el teatro. En la anyada de 1980, kuando eya empiesaba a konserse komo kantadera, eskrivió unas kantikas djunto kon el poeta brasiliano de orijin djudio Paulo Leminski, má el momento ke trokó la su karriera musikala fue kuando eya izo un voyage a Yisrael, enel anyo 1991. Ayá fue kuando Fortuna eskuchó unas kantikas en ladino i antonses eya desidió trokar la su karriera musikala asya un show en el kualo eya misturara musika, dansa i un poko de aktrisado para rekriar la rikerza kulturala de la komunita Sefaradi. Tudo eyo izo ke Fortuna se trokara endemas en peskisadora i empiesó ansina a buskhar kantikas viejas i tradisionalas ke muncha djente kaji no tinia arikódros de eyas. Dempues eya empiesaría a grabar komo kantadera endependyénte los sus diskos, los kualos a distribuyido en Arjentina, Espanya, Israel i los Estatos Unitos d'Amerika, kon má de 100 kopias vendidas. La kompanyia musikala "Putumayo", espesialista en World Music, a tomado sinko kantikas de eya en los sus diskos de kompilasiyones musikalas. Endemas, eya a kantado en apresentasiyones en Recife, Porto Alegre, João Pessoa, Manaus, Belo Horizonte, Curitiba, Rio de Janeiro, Salvador, Paris, Mueva York (i en la sede de las Nasiones Unitas), Miami, Amsterdam, La Aya, Anveres, Evora, Buenos Ayres, Santiago de Chile, Karakas i en la selebrasiyon de los 3000 anyos de Yerushalayim.

Karriera komo aktrisa[trocar | trocar el manadero]

Komo aktrisa, Fortuna partisipó enel musikal "José e seu Manto Technicolor", orijinal de Andrew Lloyd Weber i dirijido por Iacov Hilel, kon muncho sukseso.

Rekonosimyentos[trocar | trocar el manadero]

El su albume "Mediterrâneo" vinsió el 10º Premio Sharp de Musika en Brasil komo el amijor disko produzido en una lingua no-portugeza.

Diskografiya[trocar | trocar el manadero]

  • Coletânea 15 anos
  • Na casa da Ruth (CD i DVD)
  • Novo Mundo
  • Encontros
  • Caelestia (CD i DVD)
  • Mazal
  • Meditarrâneo
  • Cantigas
  • La Prima Vez

Enlasos eksternos[trocar | trocar el manadero]


Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.