Ido

Un artíkolo de la Vikipedya, la ansiklopedya líbera
Ido/אידו
Avlada prinsipalmente en: * Evropa
Avlantes: 200
Klasifikazyon jenetika: Artifisiala

 Ido

Regulado por: Uniono por la Linguo Internaciona Ido
Kodigo
ISO 639-1 io
ISO 639-2(B) ido
ISO 639-2(T) ido
SIL ido

Ido es una lingua ayudante internasionala i artifisiala kriada enel anyo 1887 por el fransez Louis de Beaufront. Es una versiyon reformada del esperanto (una lingua kriada por L. L. Zamenhof) ke en la anyada de 1907 fue eskojida ofisyalmente por la Délégation pour l'Adoption d'une Langue Auxiliaire Internationale komo el amijor prodjekto de lingua internasionala entre todos los ke egzistian. Ama durante unas anyadas egzistio el perikolo de trokarse en una lingua muerta, oy endiya es una de las linguas artifisialas kon mayor kresimyento, espesialmente en Evropa i por podre de la internet.

Del Ido yego a tenerse konosensya por la prima vez enel anyo 1907 por modre de un dezeyo de amijorar los yerros topados enel esperanto, deke los avlantes i defensores de esta lingua kreyian ke puedia ser un obstakolo para el su uzo internasyonal komo lingua de ambezamiento kolay. Munchos otros prodjektos de amijoramiento aparesieron diskues del Ido, komo por enhemplo el Oksidental i el Novial, ma ke oy endiya estan kaji ulvidados. Oy endiya el Ido i el esperanto i la interlingua son las unikas linguas ayudantes internasionalas kon emportansia en la literatura i un grup relativamente grande de avlantes.

Etimolojiya[trocar | trocar el manadero]

El nombre de la lingua tiene el su orijin en la frasa en lingua latina Idiomo di Omni (lingua de todos) o en el sufikso -ido del biervo "esperantido", el kualo sinyifika “ijo del esperanto”.

Gramatika[trocar | trocar el manadero]

Vyerbos[trocar | trocar el manadero]

La kondjugasion del vyerbo esar (“ser”):

1. Indikativo (-ar)

- Presente: -as (me esas, tu esas...)

- Pasado: -is (me esis, tu esis...)

- Futuro: -os (me esos, tu esos...)

2. Kondisional: -us (me amus, tu amus...)

3. partisipio: -ata (esata)/ -anta (esanta) / -inta (esinta)

4. imperativo: -ez! (estez!)

5. Pasivo

- esas/esis/esos/esus esata/esesas/esesis/esesos/esesus

Los vyerbos no trokan kon el pronombre, numero ets. El indikativo pasado vale por todas formas del pasado sin el pasado antisipato.

Atamientos eksternos[trocar | trocar el manadero]

Vikipedya
Vikipedya
Esta lingua tiene su apropiada Vikipedya. Puedes vijitarla i ajustar en Vikipedya en Ido