Kurasao

de Vikipedya, la ansiklopedya líbera
Saltar a: navigación, buxcar
Este artikolo uza la grafiya de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Willemstad, la sivdad kapitala de Kurasao

Kurasao (en papiamento Kòrsou; en lingua neerlandesa Curaçao) es una isola de las Antiyas Menores, la más oksidentala del grupo de Sotavento, ke se topa a 25 km al nord de la peninsola de Paraguaná, al noroeste de Venezuela i al sud de la mar Karibe, al este de la isola de Aruba i al oksidente de la isola de Bonaire. Izo parte de las Antiyas Neerlandesas, anke desde el 10 de Oktobre de 2010 es un payis otónomo adiéntro del Reyno de los Payises Bashos, ansina komo Aruba i Sint Maarten.

Kurasao no aze parte de la Union Evropea, komo otros territorios tales komo Groenlandia (Dinamarka), Polinesya Franseza (Fransia) i Isolas Kaiman (Reyno Unito). Afilu egzisten otros territorios eksteriores a la Evropa basho kontrolo de payises de la Union Evropea, ke azen parte de esta, komo la Guayana Franseza en Amerika del Sud). Ma todos los sitizenos de Kurasao tienen pasaporto neerlandez, i por esto los sitizenos kurasolyanos tienen los mismos diritos ke los otros sitizenos de la Union Evropea.

Etimolojiya[trocar | editar código]

Egzisten diferentes versiyones ensima del orijin del nombre Curaçao. Una de eyas kuenta ke kuando los portugezes arrivaron a la isola, los marineros ke tinían eskorvuto kedaron kurados dempues de estar en la isola, ulay por modre de las frutas ke komieron en la isola. Por esto, yamaron la isola komo Ilha da Curação (Isola de la Refuá). Dempues de la konkista olandeza, el nombre de la isola sigió sin trokos.

Linguas[trocar | editar código]

Las linguas ofisialas de la isola son la lingua neerlandesa i el papiamento.


 
Payises de las Antiyas
Antilles.svg

Payises independientes: Antigua i Barbuda | Ayti | Bahamas | Barbados | Kuba | Dominika | Grenada | Jamaika | Repuvlika Dominikana | St. Kitts i Nevis | St. Vincent i las Granadinas | Santa Lucia | Trinidad i Tobago
No independientes: Anguilla | Aruba | Isolas Virjenes Amerikanas | Isolas Virjenes Britanikas | Isolas Kaiman | Dependensias Federalas | Guadalupe | Karibe Neerlandez: Bonaire | Saba | St. Eustatius | Kurasao | Martinika | Montserrat | Mueva Esparta | Saint-Martin | Sint Maarten | Puerto Riko | Turks i Caicos