Naucalpan de Juárez

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Naucalpan de Juárez
נאוקהלפאן די חוארס

Meksiko

Meksiko

155.70 km²

2100 m.

242.167 mor. (2010)

Edgar Armando Olvera Higuera

{{{djentilisio}}}

25057

Naucalpan de Juárez es uno delos 5 belediyes de la Rejion Naucalpan i uno de los 125 belediyes del Estado de Meksiko, en la Repuvlika Meksikana, topa al sentro dela entidad. La kavesera del belediye es la viya de Naucalpan de Juárez, antikamente yamada San Bartolo Naucalpan.^[1] Se topa al sentro del estado, es parte de la Area Metropolitana de Sivdad de Meksiko, limita kon el estado de la Sivdad de Meksiko. Naucalpan de Juárez keda entre los paralelos 20° 06’ de latitud norte i los 99° 50’ de lonjitud oeste del meridiano de Greenwich. La altitud de la kaversera es de 2.240 msnm.

Es uno de los belediyes kon un alto desvelopamiento industrial i ekonomiko en el estado, aporta el mayor PIB de la rejion i es uno de los belediyes urbanos mas emportantes del paiz. Las sus kolonias y kales zon Sivdad Satélite, Echegaray, Tecamachalco, San Mateo, ansina tambyen kolonias menos desvelopadas komo San Lorenzo Totolinga, La Mancha, El Molinito. Es un grande belediye ande ay kazales minores komo San Francisco Chimalpa i Santiago Tepetlaxco.

Etimolojia

Ikono de referensias

Este artikolo o seksion nesesita referensias ke apareskan en una puvlikasion soportada.
Puedesh, akresentar o enkomendar al autor prinsipalo en la su hoja de diskusion. Mientres tanto, no kites este avizo.

Naucalpan, en lingua aborijinala sinyifika Lugar ensima de kuatro kazas, el orijen del biervo en lingua nahuatl es Nauhcalli (kuatro kazas) i -pan (lugar ensima), deriva de una aglutinasion de palavras, asigun se relasiona kon un rio o agua ke tuerse komo un brazo, mismo ke keda represetado en el glifo de la toponimia.

Istoria

En la kuenka de Vaye de Meksiko avia vida umana desde eze 20 sieklos. Durante el periodo Preclásico (1400 a 1300 a. de C), un grupo olmeca yego a la zona i kontribuyó kon el surjimiento de la kultura Tlatilka, topada en la aktual zona de Los Cuartos, Totolinga, la zona alta de san Francisco chimalpa y San Bartolo. Los antikos tlatikos afinkaron en el Cerro Tepalcate hueron atrayidos por la korriente del desvelopamiento teotihuacano.

En la época preispánika, originalmente se fraguo como un male de Tlacopan (Tacuba) i sus avitantes eran otomis. Los ayazgos arkeolójicos de Tlatilco topados en los márjenes del río ondo revelan los alcances sosiales de akeyaa kultura, anterior a la teotihuacana, la Tolteca, la chichimeca, y desde luego, a la Azteka.

La kultura Tlatilca presentava kulto al jaguar al igual ke la kultura de Cuiquilco esto se mira en los vestijios topados komo vasijas i diferentes figurikas de alfarería, también se toparon antikas fraguas komo la pirámide del Conde ke data de entre los mil i mil kinyientos denantes de muestra era en lo que agora pertenese a la kolonia kon la mesma denominasión El Conde.

Naucalpan fue fundado komo belediye el 1 de djenero de 1826.

Jeografia

Naucalpan de Juárez topa al sentro del estado, konta kon una superfisie de 155.70 km² de territorio. La kavesera o kapital es Naucalpan de Juárez i se topa al norte kon el belediye de Atizapán de Zaragoza, al sud kon Huixquilucan, al sudeste kon Lerma y Xonacatlán, al oeste kon Jilotzingo, al este kon Tlalnepantla de Baz i la Sivdad de Meksiko (kon el belediye de Miguel Hidalgo i el belediye de Azcapotzalco). ^[2]

Kima

El kima del belediye de Naucalpan de Juárez es templado sub-humido.

Paizajes de Naucalpan de Juárez
San Mateo
San Francisco Chimalpa
Parke Naucalli
Sivdad Satélite
Dos Rios

Governo i administrasion

La kavesera o kapitala del belediye es el kazal de Naucalpan de Juárez (antika mente yamado San Bartolo Naucalpan), ayi es afinkada la fragua ande governa el ajuntamiento.

Alkalde	Periodo
Eduardo Alfredo Contreras y Fernández	2000-2003
Ángelica Moya Marín	2003-2006
José Luis Durán Reveles	2006-2009
Otilia María Olivares Villagomez	2009-2012
David Ricardo Sánchez Guevara	2012-2015
Edgar Armando Olvera Higuera	2015-2018

Ekonomia

En el belediye ay 1,000 industrias lokalisadas, siendo Naucalpan uno de los belediyes mas industriozo del paiz siendo una de las zonas industrialas mas agrandadas, enjunto kon Tlalnepantla de Baz and Monterrey, i el sigundo mayor del estado de Meksiko. Las faktorias mas emportantes zon de kumida, empakes, tabako, tekstiles, papel, minerales i metales, kemekos i drivados del petroleo, makinaria i produktos madereros.

Komersio

Es endemas una zona kon munchos sentros komersiales o malls i lonjas departamentales de grande lusho sovre Periferiko, El Toreo i Sivdad Satélite, siendo sus prinsipalas kalejas; ansina komo el komersio del tradisionalo tianguis, de orijin mesoamerikano.

Infraestruktura

Komunikasion i transporte

Naucalpan de Juárez konta kon una vasta rede de estradas kue kovren un elevado porsentaje del territorio del belediye, mesmamente es aprovechado por la una grande kantidad de linyas de otobus kue konektan kon munchos belediyes del estado.

Es chiko el uzo de transporte kolektivo o de personas, anke agora mesmo, esta amuchiguando el uzo de trenes de sekanias komo el Tren suburbano azia Cuautitlán i estasion Buenavista.

Demografia

Lokalidad	Povlasion
Total Belediye	833,779
Sivdad Satélite	425,430
Naucalpan de Juárez	206,466
Santiago Tepatlaxco	3,864
San Francisco Chimalpa	1,248
Villa Alpina	873

Relijion

Naucalpan de Juárez es un belediye kon una grande diversidad relijiosa, el kristianismo katoliko es la kreyensia mas praktikada, ma ay otros kultos kristianos antikos komo el ortodoximo grego o las kilisias kristianas protestantes komo el luteranizmo, el presbiterianizmo o el metodismo, ansina tambien la kilisia de Yesu de los Santos de los ultimos dias, los testemunyos de Jehova, las kilisias pentekostalas y las muevas deniminasiones kristianas.

La kilisia grega ortodoksa es afinkada en Naucalpan desde sieklo XX kon el afinkamiento de las komunitas grega, rumana, bulgara i yugoslava en la Sivdad de Meksiko, la mayor katedrala del Vaye de Meksiko es la Katedrala de Santa Sofiya de Naucalpan, es la sede ande ay una grande konsentrasion de kreyentes kristianos ortodoksos de diversos paizes, anke prinsipalmente uza la avla grega i kastilyana.

En Naucalpan de Juárez ay presensia de djudizmo ansina zon en su mayorita zon azkenazim, de los kualos se estima un 40% del nifus de Tecamachalco, endemas ay komunitas en Sivdad Satélite, anke las esnogas estan en Tecamachalco.

Edukasion

El belediye de Naucalpan de Juárez konta kon universitas publikas i privadas muy emportantes del Valle de Meksiko, La UNAM, en Acatlán.

Kultura

El belediye konta kon un muzeo arkeolojiko yamado Muzeo de la Kultura Tlatilca, lugar ande se muestra una kronolojia del lugar i la rejion, ay ayi piezas de las kulturas tolteka, tlatilka i azteka.

Una obra de arkitektura moderna zon las Kulas de Satélite, fraguas de konkreto pintadas de kolores primarios komo el azul, kolorado, amariyo i blanko, es una ovra del arkitekto Luis Barragán i uno de las primeras fraguas del minimalizmo.

Espor

Los esportes praktikados en Naucalpan de Juárez, zon el futbol, el basketbol, el voleibol, las karreras de bisikleta de montanya, el taewando, el judo, la natasion, el atletismo, el fronton i el beisbol.