Posek

de Vikipedya, la ansiklopedya líbera
Saltar a: navigación, buxcar

Posek (del biervo ebreo פוסק, posek, árbitro) aze referensia a los hahamim kon gran konosensya de la Alaha durante los syéklos dempués del Talmud. Komo munchos aspektos de la Alaha no tinían repuesta klara, los hahamim i las komunitas demandaron instruksiyones a los geonim, inisyalmente (hahamim de las akademias de Babel, ande fue eskrito el Talmud Bavli). Esta mueva forma de aktividad en la ley djudia, kon demandas i repuestas eskritas, konformó la literatura de responsa, la kuala tinía la forma de un pesak din, una dechiziyon aláhika echa por un djuzgo espesialista, un posek. Kon el pasar de los anyos, aparesió la nesechidad de agrupar, kondensar i klasifikar todas las dechisiyones enel marko de la Alaha, i el primér eshuérso fue echo por Rabí Itshak Alfasi (el רי"ף), el kualo fue el autor de Sefer Alahot. El Ramba"m eskrivió su Mishné Torá un syéklo dempués.

Ver endemas[trocar | editar código]