Rut Kalderon
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Rut Kalderon (ivrit: רות קלדרון, nasida el 25 de Sietembre de 1961) es una akademika i politika [israeli]ana. Era diputada ala Knesset por el partido Yesh Atid entre 2013 i 2015.
Biografiya
[trocar | trocar el manadero]Kalderon nasio en Tel Aviv, ija de un padre sefardi ke izo aliya desde Bulgaria durante los diyas del Mandato Britaniko, i una madre ashkenazia nasida en Almania. Eya kresio en una famiya ke eya deskrive komo "una kaza muy djudia, muy sionista, sekular-tradisionala-relijioza ke mesklava Ashkenaz i Sefarad, Betar i Ashomer Aatzair," i ambezo en eskolas publikas.[1]
Eskapo un BA enel Kolej Akademiko Oranim i la Universita de Haifa, i aresivio un MA i diskues un Ph.D. en Talmud de la Universita Ebrea de Yerushalayim. En 1989, eya aperturo el primer Bet Midrash sekular, pluralisto para ombres i mujeres.[2] En 1996, eya fondo ALMA, una organizasion ke bushka azer ke los israelianos sekulares ambezen kultura djudia tradisionala. Era la apresentadora de un programa de TV enel Kanal 2 enel kual los musafires avlavan ensima de tekstos djudios klasikos i modernos.
Kariera politika
[trocar | trocar el manadero]En 2012, dechidio azer parte del partido Yesh Atid, i aresivio el lugar No. 13 en la lista del partido para las eleksiones ala Knesset de 2013.[3] El partido aresivio 19 fotolyos, i eya paso a ser una de las muevas diputadas del payis.[4] El su primer diskorso en la Knesset, eya avlo konsejikas de la su vida i sitas del Talmud, kon el buto de azer de la Knesset i el payis un lugar kon eguardo i entendimiento, aziendo de este diskorso uno de los mas mirados en YouTube por los israelianos i djudios del mundo ese anyo.[5] Para las eleksiones de 2015, era la No. 15 en la lista del partido,[6] i pedrio el su fotolyo kuando Yesh Atid solo aresivio 11 fotolyos.
Calderon esta divorsiada i tiene tres ijos. Bive en Tel Aviv.[5]
Referensias
[trocar | trocar el manadero]- ↑ The Heritage Of All Israel. The Jewish Week. (en lingua inglesa)
- ↑ ALMA's Web Site (en lingua inglesa)
- ↑ Yesh Atid Knesset website (en lingua inglesa)
- ↑ The New Faces Of The 19th Knesset. The Jewish Week. (en lingua inglesa)
- ↑ a b Meet the MK: Ruth Calderon. Jerusalem Post (en lingua inglesa)
- ↑ Yesh Atid list Central Elections Committee
Atamientos eksternos
[trocar | trocar el manadero]- ‘The Heritage Of All Israel’. Diskorso de Rut Kalderon en la Knesset, tresladado al inglez.
- Klip en YouTube kon titolos en inglez del su diskorso en la Knesset
- In New Knesset, a True Maverick. Why Ruth Calderon, a Talmud scholar and rookie politician, has a shot at breaking the Orthodox monopoly on Judaism. Tablet Magazine (en lingua inglesa)