Kasablanka

de Vikipedya, la ansiklopedya líbera
Saltar a: navigación, buxcar
الدار البيضاء
Kasablanka
קאזבלנקה

Bandeira de الدار البيضاء Kasablanka קאזבלנקה Escudo de الدار البيضاء Kasablanka קאזבלנקה
Grand casablanca.jpg
Paez Marroko
Pozision 33°34′ N 7°36′36" O
• Altura 58 msnm
• Distansia 101 km a Rabat
Superfisie 323 km²
Povlasion 2.949.805 ab. (2004)
• Densidad 9.132 ab./km²
Djentilisio n/d
Alkalde Mohammed Sajid
Pajina web http://www.casablanca.ma


Kasablanka (en arabo (الدار البيضاء) es una sivdad del norte de Marroko, kapital de la rejion de Grande Kasablanka (en fransez: Grand Casablanca; en arabo جهة الدار البيضاء الكبرى) i yamada Dār El Beïḍā (la kaza) en arabo darija o tambien Kāzā por los abitantes de la sivdad. Es la mas grande sivdad de Marroko, kon unos 3.9 milyones de abitantes en la su area metropolitana i endemas es el su puerto mas emportante, la sede de munchas kompanyias marrokanas i ajenas, de la kaza de bolsa de Marroko, konosida komo La Bourse de Casablanca i endemas, el mas grande aeroporto del paez, el Ayroporto Internasional Mohammed V (en arabo مطار محمد الخامس الدولي), se topa en Kasablanka, i el su porto, es el mas grande porto de Marroko i uno de los mas grandes portos artifisiales del mundo. Esta konsiderada la kapital ekonomika del payis anke la kapital ofisiala i sede de la kaza real i del governo nasional es Rabat. Se topa al oeste, en la beira del Oseano Atlantiko.

Istoria de la komunita djudia de Kasablanka[trocar | editar código]

Kuando los portugezos destruyiron la sivdad antika de Anfa enel anyo 1468, ya egzistia una komunita djudia en la sivdad. Los djudios tornaron a la sivdad poko a poko, ma para el anyo 1750 bivian sufisientes para fraguar la primera esnoga en Kasablanka, la Esnoga Rab Elijah, la ke fue destruyida komo kaji toda la sivdad en el tremblor de tierra de 1755.

Para el empesijo del syéklo XX, la komunita djudia de Kasablanka tenia unos 6.000 djudios, ke eran mas del 25% de la poblasion total de la sivdad. Desde el empesijo del syéklo XX, Kasablanka esta asosiada kon el djudaismo mas ke otra sivdad del Maghreb, en parte por el dezvelopamiento de estrukturas sosyalas para la komunita i tambien déke diskues del Olokósto, munchos djudios del mundo kolavoraron para defender i protejer la grande komunita de la sivdad.

Entre los anyos 1940 i 1960, la komunita djudia de Kasablanka era de unos 70.000 abitantes. Pero la emigrasion asia Fransia, (Québéc) Kanada, Venezuela, Arjentina, Yisrael i los Estados Unidos desde Kasablanka a sido grande. Sin embargo, munchos djudios ke emigraron a estos payises ainda konservan pasaporto marrokano i sobre todo identidad y orgolyo de las sus raizes Marrokanas. Oy endia ay unos 6.000 djudios en la sivdad. En Kasablanka se topan varias esnogas:

  • El Konsejo de Komunitas Djudias Marrokis (Conseil des Communautés Israelites du Maroc en franses), en 1, Rue Adrienne Lecouver;
  • La Esnoga Bet-El, en 67, Verlet-Hanus
  • La Esnoga Téhila Le David, en Bd du 11 Janvier;
  • La Esnoga Benarroch, en la Rue de Lusitania
  • La Esnoga Em-Habanime, tambien en la Rue de Lusitania
  • El Centre Habad Lubavitch au Maroc, en 10, Rue Washington, i
  • El Kollel Avrehim Lubavitch Neve Shalom, en 16, Rue Abderrahman Sehraoui.

Lugares de entereso[trocar | editar código]

En Kasablanka esta la Mishkita Hassan II (en arabo مسجد الحسن الثاني), la mas grande mishkita de todo el mundo. La kulá de el su minarete es tambien la mas alta del mundo, kon 210 metros de altesa. Fue konstruida por el anterior rey Hassan II i aperturada enel anyo 1993. Fue disenyada por el arkitekto franses Michel Pinseau. La su konstruksion kosto aproksimadamente unos 5494 milyones de dirhams de Marroko (unos 504,85 milyones de euros). Puede albergar asta 100.000 kriyentes: unos 80.000 en el kortijo y aprkosimadamente 25.000 en la sala de arrogamientos.


El Casablanca Twin Centre es un komplejo de dos kulás, kada una de 28 pisos y 115 metros de altesa, disenyado por el arkitekto katalan de orijin djudio Ricardo Bofill Levi. Las kulás fueron aperturadas en 1999 i son endagora las kulás mas altas de todo el Maghreb i las dosenas kulás mas altas de toda Afrika, dempues de la kulá Carlton Centre, en Djohannesburgo, Akfrika del Sud, anke la kulá de TV Cairo Tower en Ayifto, tiene 187 metros de altesa, ma no es un edifisio.

Dosya:Casablanca Twin Center.jpg
Casablanca Twin Centre


Sivdades ermanas[trocar | editar código]

Commons-logo.svg
Klika akí para ver las imajes de Commons ensima de Kasablanka.