Máale djudia

De Wikipedia

En la Diaspora djudia, una máale djudia es la máale de una sivdad tradisionalmente abitada por djudios. Estas máales ivan ser el resultado del kresimiento de Getos segredados. Se dize ke el orijen de la palavra Geto viene del italiano "getto", ke kere dizir "separasyon", o del grégo Ghetonia (Γειτονία, bairro), afilu una ekspikasyon ma aseptada es ke viene de la frase italiana "campo gheto", un are ke los fundidores de djerro en Venesia en los syeklos XIV i XV ivan uzar para enfriar la eskoria,ke en el lashon venesiano se iva dizir "gheta" i en italiano "ghetta", i ke es la parte de la sivdad donde los djudios ivan ser huersados a ubikarse. La palavbra idish para máale djudia es "Di yiddishe gas" (די ייִדדישע גאַס), o "La Kaleja djudia", myentras ke mellah (ملاح) es la palavra en arabo para la máale djudia, uzada sobre todu en el Mahgreb i espesialmente en Marroko, afilú en Tetuan se uza el nombre en espanyol judería (djuderia). En las rejiones de favla katalana (Katalunya, Isolas Baleares, Paez Valensiano, Roseyon, Alguero, Andorra) se uza la palavra Call, ke va venir orijinada de la palavra en ivrit kahal (קהל).

En Amerika, Ostralya y Afrika del Sud, egzisten máales djudias ke afilu no ivan ser kriados komo Getos segregados, an akabado syendo máaales djudias deke la tradision djudia es de bivir serka de una esnoga i serka de toda la komunita, entonses la máale tyene todo lo ke la komunita nesesita, komo merkados, eskolas, esnogas, yeshivot i munshas vezes el bethahayim esta dentro de la máale. En alkunos kazos la máale iva kreser munsho i kaji akaba syendo un distrito kompleto de la sivdad. Munshas sivdades de Evropa, el Maghreb i el Medio Oryente an tenido una máale djudia, komo por egzemplo:

• En Evropa:
  • Amsterdam: Jodenbreestraat
  • Amberes: Joods Antwerpen
  • Bordeaux: Saint-Seurin
  • Budapest: Erzsébetváros
  • Djirona: Call Jueu de Girona
  • Enna: Giudecca
  • Estambol: Balat
  • Frankfurt: Frankfurter Judengasse
  • Katania: Judeca Suprana, Judeca Suttana, Piano di Giacobbe
  • Krakovia: Kazimierz
  • Lisboa: Alfama, La Judiaría
  • Londra: Stamford Hill, Golders Green, South Tottenham
  • Lyon: La Juiverie de Fourvière, La Guillotière
  • Manchester: Sedgley Park
  • Marseya: La Carrière-des-Juifs, Montjusieu
  • Napoles: Giudecca
  • Messina: Tirone, Paraporto
  • Montpellier: Rue de la Barralerie
  • Palma de Mayorka: Call Major
  • Palermo: Meschita, Guzzetta
  • Paris: Le Marais
  • Perpinya
  • Porto: La Judiaría, Bairro de Monchique
  • Praga: Josefov
  • Reggio di Calabria: La Giudecca
  • Roma: Il Ghetto Romano
  • Sirakusa: La Giudecca
  • Třebíč: Židovská čtvrť
  • Venesia: Il Ghetto di Venezia
  • Viena: Leopoldstadt
  • Zdzieciol: Geto de Zhetel

• En Afrika:
  • Arjel: Bab El Oued
  • Chauen: Mellah
  • Djerba: Hara Kbira
  • Djohannesburgo: Glenhazel
  • Essauira: Mellah d'Essaouira
  • Fez: Le Mellah de Fès
  • Gondar:Kayla Meda ^[1]
  • Marrakesh: Mellah de Marrakesh o Hay Essalam^[2]
  • Meknes: Ancien Mellah, Noveau Mellah
  • Rabat: Le Mellah de Rabat
  • Tetuan: La Judería o Qods
  • Tunis: Hara

• En Asya:
  • Bagdad: Taht al-Takia
  • Beirut: Wadi Abu Jamil
  • Estambol: Kuzguncuk
  • Ezmirna: Karataş
  • Rodas: La Djuderia

[editar] Referensias