Selanik

Θεσσαλονίκη
Selanik / Salonika
סלוניקה

Paez

Gresia

Pozision

40°38′N 22°57′E

• Altura

0-20 msnm

Superfisie

17,8 km²

Povlasion

363.987 ab. (2001)

• Densidad

20.449 ab./km²

Djentilisio

n/d

Alkalde

Vassilios Papageorgopoulos (ND)

Pajina web

http://www.thessalonikicity.gr

Salonika, Salonik o Selanik (en grego Θεσσαλονίκη, Thessaloníki o Σαλονίκη, Saloníki) es una sivdad de Gresia i puerto de la Mar Egeo. La su povlasion es de 363.987 abitantes, anke la povlasion de la munisipalidad de Selanik, ke esta okupada por la su area metropolitana, es de 1.057.825 abitantes. Es la sigunda sivdad mas grande de Gresia. Selanik es endemas el dosen mas grande sentro komersial, ekonomiko, industrial y politiko del paez. Es el prinsipal sentro de koneksiones de komunikasion i transporto para el Nord de Gresia i la rejion serkana de los Balkanes, komo la Antika Repuvlika Djugoslava de Makedonia, Serbia, Kosovo i parte de Albania. De fákto, el primér ministro de Gresia da el su diskorso anual kon los sus planes para el muevo anyo desde la sivdad de Selanik.

[troca] Istoria djudia en Selanik

La Kulá Blanka de Selanik se uso komo prisión en la epoka de el Imperio Ottomano. Oy endia es el Muzeo Bizantino i el simbolo de la sivdad

La sivdad de Selanik resivio casi 250.000 djudios espanyoles. De ser povlada por grégos, turkos i bulgaros, paso a tener, a fines del syéklo XIX, 65% de djudios sefardim. El gayego, por la prezensya de djudeos gayegos, tuvo munsha influensia gramatikal en el ladino, ansina komo siertas palavras de orijin katalan i italiano.

En Selanik egzistian máales, komunitas i esnogas ke eran de kada una de las sivdades i rejiones de Espanya, Italia i Portugal. Kal de Kastiya, Kal Aragon, Kal Katalan, Otranto, Palma, Siçilia, Kasseres, Kuriat, Albukerk, Evora i Kal Portugal, son ejemplos de maáles i esnogas de fines del syéklo XIX, i demustran ke los sefardim tenian presente el su orijen iberiko.

Endemas, no solo los djudios van a avlar ladino, sino tambien lo van a avlar los no djudios, komo lingua franka. El su dia de deskanso obligatorio no era el viernes del islam ni el alhad kristyano, sino era el shabat, porke munshos de los komersios eran de los sefardim.

Dempues de la Sigunda Gerra Mondiala, kaji el 95% de la povlasion djudia (50.000 personas) de Selanik fue amortada en la Shoa i dempues, los otros emigraron a Estados Unidos, Fransia o Yisrael i endagora, oy endia sólu se ankontran unos 1.200 djudios en la komunita de Salonika.^[1]^[2]