Amida
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
La Amidá (en ivrit: תפילת העמידה, Tefilat aAmidá, "El arrogamiento de pyés"), tambien konosida komo la Shmone Esre (שמנה עשרה, Shmoné Esré, "Las diesi-ochu bendisiones") es una bendizion; orasion djudia tambien konosida komo Bendizion modin, apropiada de la relijion djudía i se realisa de la sigiente manera:
Tanto al empesijo de la Amidá komo a la su fin, se empiesan los pasos kon la pierna iskierda, enel final se da tres pasos para atras, torse un poko el tronco asya la siedra, i poko enklinado repeta: Osé shalom bimromav; djira un poko el kuerpo asya la deresha, i poko inklinado repeta: u yaasé shalom aleinu; enderesa el su puerpo y mirando delantre resita: ve al kol Yisrael, ve imerú amén. Se dan tres pasos para el frente, komo el moso ke se retira de la presensia de su givír. Arrogando en solitario, akompanyado o kon minyán, katro son las okaziones en las kualas se inklina kuando se arroga la Amidá:
- Al empiese de la primera Bendision, Magén Avot, kuando se dize Baruh Atá A-donay i kuando se kulmina kon Elokeinu Veelokey Avoteinu.
- Al final de la mizma primera bendizion, kuando se pronunsia de muevo Baruh Atá A-donay i kuando se kulmina kon Magén Avraam.
- Al yegar a la bendizion Modim anahnu lah.
- A la su fin de esta mizma bendizion, al dizir Baruh Atá A-donay i kuando se kulmina kon atov shimehá u lehá naé leodot.
En las mizmas okaziones el hazan, ken orasiona la Amida en boz alta, se inklina. En la hazará, al yegar al Modim, la keilá tambien se inklina un poko, al mizmo tiempo ke el hazán. El hazán kontinua a meldar Modim mientres la keilá meldan el Modim derabanán. Agora, asigún la Alahá normativa, si la persona se konfunde i no esta muy segura de kuando i komo azer la reverensia, es mejor ke no la aga.
Este artikolo es endagora, muy chiko. Muchiguando su kontenido vas ayudar a amijorar la Vikipedya.
Puedes kitar ayudo kon las vikipedyas en otras linguas.