Isaac Ezban
Isaac Ezban (nasido el 15 de avril de 1986 en la Sivdad de Meksiko) es un direktor, eskritor i produktor djudio-meshikano de filmos. Sus ovras mas konosidas son los filmos El Insidente (yamado en kastilyano El incidente) i Los Asemejantes (yamado en kastilyano Los parecidos).
Vida i Echos[trocar | trocar el manadero]
Ezban nasyó i engrandesyó en una famiya djudia de la Sivdad de Meksiko. Estudyó varyas kozas en varyos payizes: komunikasyón i filmo en la universita meshikana Universidad Iberoamericana (Universita Ibero-Amerikana); drama en The Method Studio (El Método-Estudyo) de Londra; i filmo en New York Film Academy (La Eskola de Filmo de Mueva York) de la sivdad de Mueva York. Antes de dedikarse al azer filmos, eskrivyó kuatro novelas kurtas.
Tyene dirijado tres filmos de durasyón yena. El primero de eyos, El Insidente, fue publikado en septembre de 2014 i el segundo, Los Asemejantes, fue publikado en septembre de 2015. En estos dos se avla el dyalog en espanyol amerikano. El tresero suyo yeva el titolo inglez Parallel (Paralel en espanyol). Publikado en 2018, es el primero de sus filmos de durasyón yena kuyo dyalog es avlado enteramente en inglez i, ya ke el gyon del filmo fue eskrito por Scott Blaszak, es endemaz el primero de eyos ke Ezban dirijó pero no eskrivyó.
Las produksiones mas tempranas de Ezban fueron filmos kurtos, algunos de los kualos trataron de sujetos djudios. Entre estos son El Djudio al Kualo Todos Yevamos Aryento (titolado en kastilyano El judio que todos llevamos dentro) i Espageti Kasher (Kosher Spaghetti en inglez).
En 2012 se kazó Ezban kon Miriam Mercado, produktora de filmos. Mercado fue una de los produktores de los filmos kurtos de Ezban Ambre (Hambre, 2009) i Kozas Feas (Cosas feas, 2010), i mas tadre fue produktora de El Insidente, Los Asemejantes, i La Koza Maz Bien Kerida (La cosa más preciada), segmento de la antolojia de filmos kurtos de teror Meksiko Barbariko (México Bárbaro, 2014). Ezban i Mercado tyenen ija yamada Naomi Ezban.
Enlases eksternos[trocar | trocar el manadero]
Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.