Veracruz

(i) 19° 26′ 5″ N, 96° 22′ 59″ O

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Estado de Veracruz איסטאדו די וראקרוס Estado de Veracruz Bandyera Eskudo Situasión de Veracruz Paiz:  Meksiko Entidad: Estado Kapitala: Xalapa de Enriquez Mayor sivdad: Veracruz Linguas ofisialas: Kastilyano. Forma de governo: Estado federal i soberano Shefe de governo: Ekstension: 71 820 km2 Povlasion: 8 112 505 ·Densidad: 11.3 ab/km2 Djentilisio: Veracruzano Uzo orario: UTC−7 Kodigo ISO: MX-VER Hoja web: http://www.veracruz.gob.mx/

Veracruz o el Estado de Veracruz, ofizialmente yamado Estado Livre i Soberano de Veracruz. Es una de las 32 entidades federalas del Meksiko ke topa al este del paiz, la su kapitala i la sivdad mas grande del estado es Xalapa de Enriquez. Topa la sus frontiera kon los estado de Tabasco, San Luis Potosí, Tamaulipas, Hidalgo, Oaxaca i Puebla.

Etimolojia

El nombre del estado se deriva del nombre del porto de Veracruz, yamado katro vezes eroiko i fundado el 22 de avril de 1519 komo la Villa Rica de la Vera Cruz, el biervo es en latin i sinyifika vera-crux, ladinado komo la vedradera kruz. Era un lugar ande sus barkazas enkayaron en un lugar yeno de oro frente a la izla de San Juan de Ulua, un dia Viernes santo kuando se onrava la muerte de Jeshu de Nazaret en la kruz, tambyen yamado Diada de la Verdadera Kruz.

Al promulgarse la Constitución de 1824, el estado resibe por primera vez el nombre de Veracruz, i ofisialmente se konstituyó komo Estado Libre i Soberano de Veracruz. El 10 de julio de 1863 por decreto se establese ke en lo sucesivo pasara a yamarse Estado Livre i Soberano de Veracruz-Llave, en onra al djeneral i gobernador veracruzano Ignacio de la Llave.

Istorya

Kavesa Olmeka

No se sabe kuando afinkaron los primeros ombres en Veracruz, ma ay restos de guesos i utensilios de kaza dakeyos umanos aborijinalos ke andavan en estas tierras de sharas tropikales i de altas muntanyas, banyadas por las aguas del yamado Golfo de Meksiko aze 5 000 anyos atras.

La istorya de los puevlos aborikinalos del estado de Veracruz es komplesha. En el period prekolombino, el territorio fue morado prensipalmente por personas kazadoras i rekolektoras de frutos. Los Huastekos y Otomis afinkaron al norte, mientres ke los Totonakos se afinkaron en sentro-norte. Los Olmekos, fue afamada i yamada kultura madre de Mesoamerika, estos se afinkaron al sudeste del estado. Ay munchas kulturas prekolombinas en Veracruz ke se desveloparon en distintos sitios komo Pánuco, Castillo de Teayo, El Zapotal, Las Higueras, Quiahuiztlán, El Tajín, Cempoala, Tres Zapotes y San Lorenzo Tenochtitlán .

Jeografia

El territorio veracruzano kolinda al norte kon el estado de Tamaulipas, al sud topa kon el estado de Oaxaca, al sudeste kon el estado de Chiapas, al oeste kon los estados de Hidalgo i Puebla, kon el estado de Tabasco al sudeste, kon Golfo de Meksiko al este. El estado es apartajado en 225 belediyes, la kapitala es Xalapa de Enriquez.

El estado de Veracruz se topa en las koordenadas jeografikas del meridiano de Greenwich latitud norte 19º 26' 00 minima, 14º 32' 00 maxima, longitud oeste 92º 22' 00 minima, 96º 22' 00 maxima.

Klima

En el estado de Veracruz ay muncho kimas, el norte es de klima es tropikal, ande ay muchiguamiento de kaktos; la mayor parte del territorio estatal es shara tropikal kon yuvias en verano y alkunas serraladas de alta muntanya kon inyevadas en periodo invernal komo la Serralada Madre Oryentala.

• Paizajes de Veracruz
• 
  Cofre de Perote
  Perote
• 
  Plaj de Villa Rica
  Quiahuatlán
• 
  Piko de Orizaba
  Huatuxco
• 
  Bara Sontecomapan
  San Andrés Tuxtla
• 
  Cuenca del Papaloapan
  Tierra Blanca

Ver endemas

• Sotavento