Amina Alaoui

Amina Alaoui es una kantadera marroki de musika Araba-Andaluzí. Eya kanta en arabo, persa klasiko i haketia.

Amina nasió enel anyo 1964 en una famiya aristokratika en Fes, Marroko. Kuando eya tinia sesh anyos, ambezó musika Araba-Andaluzí kon la su famiya. Endemas de chika ambezó a tanyer piano i fue eleva de Musika Klasika Evropea kon el konduktor Mohamed Abou Drar. Amina endemas fue eleva enel Konservatorio de Rabat entre los anyos 1979 i 1981 kon Ahmed Aydoun i Mohammed Ouassini; tambien fue eleva de dansa modérna kon Marie-Odile Loakira i de dansa klasika kon Vera Likatchova. Amina estudio enel lisé Descartes i estudio filolojiya i linguistika de las linguas kastilyana i araba en las universitas de Madrid i de Granada.

Musika Araba-Andaluzí

Kuando bivía en Granada, Amina izo peskisas personalas ensima de las musikas Araba-Andaluzí i oryentala. Eya se izo espesialista en la musika araba-andaluzí, espesialmente enel estil gharnati. Eya dempues se fue a bivir a la sivdad de Paris enel anyo 1986, ande eya estudio musika gharnati ("de Granada", en arabo) kon Rachid Guerbas i Ahmed Piro. Aya endemas estudio Musika Medievala Evropea kon Henri Agnel i Musika klasika Persika kon Djalal Akhbari.

Diskografiya

• Gharnati:Musique arabo-andalouse du Maroc (1995)
• Alcántara (1998)
• Gharnati: En Concert (2009)
• Siwan (2009) -kon Jon Balke-

Kolavorasiyones

• Rachid Taha: Diwan (1998)
• Music From The Heart Of The World: Sounds True Anthology (2000)
• Women's Sacred Chants (2003)
• Rachid Taha: Diwan Live in Concert (2005)

Referensias

Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.