Istoria de los djudios en Meksiko

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Instituto Kultural Meksiko-Israel A.C. (antiko templo sefaradi en la Sivdad de Meksiko).

Dize el tradision ke los primeros djudios ke yegaron al Meksiko, fue durante la konkista espanyola, viajaron alkunos sefardim ombres en los barkos kon Hernando Cortés i desembarkaron en las beiras del Golfo de Meksiko, eskondiendo la su relijion djudia entre el katolisismo romano, eran yamados muevos kristianos.

Istoria

El pintador Diego Rivera deskrive el Santo Ofisio kontra los djudaizantes i erejes en la Mueva Espanya.

En 1521, deskues de la konkista de Meksiko, se funda Judianea (posteriormente yamado Juliantla), un kale perto al Real de Minas de Taxco, ke fue fundado por sefaradis ke apoyaron la konquista, basho permiso de Hernando Cortés. Dos de los ombres de Cortés, Hernando Alonzo i Gonzalez de Morales fueron akusados de praktikar el djudaismo ante un auto de fe i fueron echados a la fogera, en el anyo de 1528.

Los sefardis afinkaron en tierras dela Mueva Espanya kon una mueva identidad, basho la observasion de la kilisia katolika, fueron eyos los azendados, los enkomenderos i rancheros en munchos lugares, alkunos fueron testemunyos de la fundasion dela sivdad de Monterrey, Saltillo o Monclova, anyos dempues ayegaron azta Texas, Muevo Meksiko, Kalifornia, Guatemala, Honduras i Nikaragua, afinkaron en kaji todo el territorio del virreynato, poko enla kapital dela Mueva Espanya por estar lejos de la Inquisision.

Alkunos crypto-djudios moraron en sivdades mineras komo Taxco, Pachuca, Tejupilco, Zumpango, El Oro, Zitácuaro, Guanajuato, Zacatecas, San Luis i Parral; otrunos en sivdades sirka de kaminos ryales komo Cuernavaca, Cordova, Orizaba, Puebla de los Angeles, Tlaxcala, Veracruz, Querétaro, Acapulco, Oaxaca, Villahermosa, Campeche, Mérida, Chiapa de Corzo, San Cristóbal, Tapachuca, Quetzaltenango, San Salvador, Masaya, Granada, Escazú; y otrunos en Tula, Huichapan, Aguascalientes, Valladolid, Zamora, Apatzingan, Jiquilpan, Sahuayo, Cotija, Tepetitlán, Lagos de Moreno, León, Penjamo, Irapuato, Guadalajara, Tepic, Mazatlan, Sinaloa, Hermosillo, Caborca, Durango, Chihuahua, Paso del Norte, Las Cruces, Albuquerque, Santa Fe i Trinidad.

Ay komunidades notables en la sivdad de Méksiko i en Guadalajara. En la sivdad de Meksiko egzisten komunidades djudiyas en las maales (barrios) de Polanko, Roma, i espesyalmente en los arrededores del Parke de Meksiko ande se topan varyos kahales (sinagogas), un muzeo djudio, i un deli kasher. En anyos anteryores en el Parke de Meksiko se oyiya muncho la lingua Yiddish.

Ver endemas

• Esnoga Istorika Justo Sierra 71

Atamientos eksternos

• Esnoga Justo Sierra (en lingua kastilyana)

Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.